فوائد الضفيرة للشعر

من طرف بشاير النور الإثنين يونيو 20, 2011 12:40 am

السلام عليكم ورحمة الله وبركاته
اولا الموضوع منقول للامانه من فتاة الكهف فى منتدى اخر

ولو تلاحظو حاجه اننا بدانا ندور على زيت للاطاله بعد ما فكينا الضفيره ولاقينا انها ملهاش اى لازمه وبتخلينا شبه العيال الصغيره فبطلناها وبدانا نلم شعرنا كحكه او ديل حصان او طاقيه وخلاص على كده
وشعرنا بياخد على اللفات دى وخلاص وتلاقيه وقف النمو وثبت فى مكان واحد ومش عايز يتحرك من مكانهالضفيره بتعمل ايه فى الشعر
احنا لما بنلم الشعر كله فى منطقه او تنين فى الراس ممكن على الجمبين او حتى جمب واحد بتحصل عمليه شد بسيطه للشعره من الجدر ودى اول حاجه بتعملها الضفيره
تانى حاجه بنجيب الشعر بندخله فى بعض على هيئه علامه الضرب ومع الضم بنلمه ونكبس العلامه جامد عشان الضفيره تكون ماسكه نفسها (ايه بقى اللى بيحصل فى الحاله دى ) عمليه الكبس دى بتعمل على جذب الدم من فروه الراس المشدوده شد خفيف وكمان كبس الزيت او اللوسيون او الكريم اللى حطينه فى شعرنا جوا الشعره نفسها
وتكتمها وبالتالى الشعره تستفيد الاستفاده القصوى من اى زيت او كريم او لوسيون احنا حطيناه فى شعرنا
وبالتالى الغذا الموجود فى الزيت او الكريم او اللوسيون ده يتكبس جوه الشعره فتوصل لفروه الراس فيستفاد منها كليا مع تدفق الدم تحت فروه الراس بسبب الشد البسط اللى حصله

ومن هنا ومن مكانى هذا اقدر اقولكم ان الضفيره اللى ربنا الهم بيها الستات انهم يعملوها وتنتشر الانتشار الفظيع ده فى العالم باسره مجتش هباءا لا جت بحكمه من ربنا عشان يحصل الطول فى شعر الانثى وتقدر تتباهى بيه ويبقى فعلا تاج جمالها المميز
واخيرا عايزه اقولكم ان افضل وقت لعمل الضفيره هوا بليل وقت نمو الشعر
يعنى بدل ما نعمل كحكه او طاقيه لا نربطه بضفيره وننامو بيها
والصبح فكيها يا ستى زى ما انتى عايزه

للعلم عملتها لبناتى ونفسى وحاسه بفرق بفضل الله
ربنا يوفقنا جميعا