طريقة عمل الكريم كراميل

من طرف بشاير النور الخميس يناير 23, 2014 10:24 pm

مقادير
الكريم كراميل:

علبة حليب , 3 علب بودرة كريم كراميل , العسل بتاعهم بيكون معاها.
ملحوظة :
* لو كنتي بتحبي الكراميل سميك تستخدمي 3 باكيت
لو عايزاه متساوي مع الكيك استخدمي 2 باكيت بس
وتشيلي من كيلو الحليب كوباية إلا ربع.
* ولو كنتي عايزة تعملي الكريم بني ضيفي ملعقة كاكاو على بودرة الكرميل

طريقة عمل الكريم كراميل 13904813064167

مقادير الكيكة :
كوب ونص سكر , كوباية ونص دقيق ,
ثلث كوب زيت , ملعقة كبيرة بيكنج بودر ,
ملعقة صغيرة فانيليا , 4 بيضات
ملعقة كبيرة كاكاو ( لو كنتي هتعملي الكيكة شيكولاتة)
ملحوظة :
لو كنتي عايزة الكيكة بني نقصي من مقدار الدقيق ملعقة
وضيفي ملعقة كاكاو للدقيق
طريقة عمل الكريم كراميل 13904816874534

صينية مقاس 28
وصينية مقاس اكبرمنها

الطريقة :
نفرغ محتويات كيس الكراميل ( السكر المحروق)
في قاع الصينية الصغيرة
ونغطيها تماماً

نحط الحليب في حلة ولما يبدأ في الغليان
نضيف بودرة الكريم كراميل ونقلبه حتى يذوب

نصب خليط الحليب على السكر الكراميل

في طبق عميق
نجهز الكيكة:
نضرب البيض والفانيليا والزيت مع بعض كويس جدا
لمدة 5 دقايق وبعدين نضيف السكر
نخلطهم 7 دقايق تقريباً حتى يذوب السكر تماماً

في طبق تاني
نخلط الدقيق مع البيكنج بودر مع ملعقة الكاكاو

نضيفهم على خليط البيض شوية شوية
ونقلبهم بالمضرب السلك لحد ما يتجانس الخليط تماماً

دة الشكل النهائي لخليط الكيك

نصب الخليط فوق الكريم كراميل في الصينية الصغيرة
ونحط في الصينية الكبيرة اللي تحتها مقدار من المية ميكونش كتير
عشان الصينية اللي فيها الكيك متبقاش مايلة
يعني يا دوب يحافظ على توازن الصينية الصغيرة

ملحوظة :
نضيف ملعقة كبيرة خل للمية عشان الصينية ماتسودش
وتتعبك في تنظيفها

وندخلها فرن 170 درجة ونكون مسخنين الفرن أول ما نبدأ نشتغل في الكيكة
حوالي 45 :55 دقيقة
أو حسب فرنك
المهم متفتحيش عليها خالص غير لما يمر نص ساعة

[b][b][b][b][b]وتجربي بخلة الأسنان أو بطرف سكينة
لو طلعت ممسوحة تبقى الكيكة استوت
[/b][/b][/b][/b][/b]
طريقة عمل الكريم كراميل 13904874417066

دة شكلها بعد ما طلعت من الفرن
[b][b][b][b][b][b][b]باين فيها خرمين عشان جربتها بالخلة
[/b][/b][/b][/b][/b][/b][/b]هنخرجها بالراحة جدا من الصينية اللي تحت عشان المية سخنة طبعاً
أو تسيبيها لما تهدأ وبعدين طلعيها
ولما تبرد تدخليها الثلاجة طول الليل
أو لمدة 5 ساعات على الأقل
عشان الكريم كراميل يتماسك كويس

طريقة عمل الكريم كراميل 13904856346099

لما تاخدي الصينية من الثلاجة حركيها بالراحة
زي ما تكوني بتنخلي دقيق
عشان تتحرك جوة الصينية وهيظهرلك شراب الكراميل
زي الصوص كدة
وبعدين
تحطي صيني عليها وتقلبي الكيكة
ودة شكلها بعد ما قلبتها
والصوص بتاع الكراميل نازل منها

طريقة عمل الكريم كراميل 13904863558982

ولما اتقطعت باينة من الجنب
جميلة وطعمها جميل

طريقة عمل الكريم كراميل 13904870294543

ودي قسمتها عشان تشوفي ازاي الكريم متماسك جدا
والكيك مفصول عن الكريم كراميل

طريقة عمل الكريم كراميل 13904971587460

كدة خلصت خلاص
إن شاء الله تكون عجبتكم
لا تنسوني من دعواتكم