طريقة فراخ كنتاكي والريزو بالظبط وطعمها روعة من بيتي

بصوا بقي أنا جبت فرخه قطعتها 8 قطع وبعد كده غسلتها بالخل والملح والليمون وبعدين حطيتها في طبق غويط وحطيت عليها ملح فلفل سماق كركم كاري بصل وتوم بودر بابريكا وزعتر وشويه لبن حليب ومعلقه صلصه ومعلقه كاتشب وحطيتها في التلاجه 24 ساعه بس ممكن تسبيها 8 ساعات دي أقل حاجه وبعدين جبت دقيق وحطيت عليه ماء عملت عجينه مش خفيفه ومش تقيله وبعبين خرجت الفرخه من التتبيله من غير ما أغسل الفراخ من التتبيله وحطيتها في الدقيق ودخلتها الثلاجه ساعه وبعد الساعه جبت دقيق وخرجت الفراخ من العجينه و علي الدقيق وبعد كده هحط حله علي النار وأحط فيها زيت كتير وبعدين أسيبه يسخن أوي وأحط الفراح والنار عاليه وأول ماتاخد لون دهبي أوطي عليها النار خالص وإغطيها بس خلاص

او

نص كيلو دقيق ونحط عليه معلقه كبيره نشا وبابريكا وبصل بودره وملح كل ده معلقه كبيره وبعدين معلقه صغيره توم بودره وفلفل اسمر وجنزبيل ومكعب مرقه دجاج وتتعجن بميه زي الطحينه وتنقعوا الفراخ او البانيه فيها عالاقل لمده ساعه وبعدين تجهزوا دقيق عادي عليه مكعب مرقه وكيس فيجيتار تخرج من التتبيله. دي بالتتبيله ووتترش بالدقيق مش تتكبس عشان القرمشه وزي ماتوتي قالت الزيت يسخن آوي نحط قطعتين بس كل مره ونوطي النار دي طريقه شيف محمود ومجربة وأحلي من كنتاكي والله

طريقة الريزو

الريزو معلقه سكر مع زيت تيادوبك تدي لون وبعدين تحطي بصلايه متقطعه تتشوح بس وبعدين قطع الفراخ وبعدين الرز وملح وفلفل وتسقي بمرقه او ميه اما يدخل في السوي تحطي فصوص توم صحيحه ودي تكه مهمه وتغطي بعدين تنشلي التوم وتغرفيه وتجهزي الصوص الي هو عباره عن صويا صوص وصوص الباربكيو والكاتشب الاسبايسي وتحطي مكعبات الفراخ المقليه بنفس الطريقه الي فوق وعليها الصوص والف هنا وشفا