فراخ بانية

من طرف بشاير النور الثلاثاء أغسطس 26, 2014 8:51 am

شاورما الفراخ

يبقي خمس قطع فراخ بانية عادية

بصلة متوسطة

فلفلاية رومي خضرا متوسطة

طماطماية متوسطة

طحينة حوالي معلقة كبيرة

ملح ( حسب الحاجة واحتمال كبير متحتجيلوش )

فلفل أسود

كارى

بابريكا

بهارات مشكلة

رشة قرفة ( ولما اقول رشة تبقي رشة بسيطة )

رشة جنزبيل بودرة ( ولما اقول رشة تبقي رشة بسيطة)

بصل بودرة

توم بودرة

سمنة او زبدة او زيت

الطريقة :-

اول حاجة هنجيب البصلة ونقطعها جوانح او جوليان او هلال زي مبتسموها انا جبت كل التسميات عشان محدش يقولي مش عارفة تقصدي ايه وبعدين تسخنوا المادة الدهينة اللي هتستخدموها واول متسخن نزلوا البصل وفرطوه من بعضه ووطوا النار وسيبوه من 5 ل 7 دقايق عشان الزيوت العطرية اللي فيه تتفكك وتديكي طعم احلي واعملي كدة في اي اكله المفروض تحمري البصلة فيها تمام كدة بعدين قطعي الفلفلاية برضه شرايح وبعد متعدي ال7 دقايق علي النار وافضلي قلبي البصل لحد ماياخد لون دهبي ساعتها انزلي بالفلفل وممكن تحطي فلفل حامي معاه بس اللي معاه اطفال بلاش تمام كدة بعدين وطي النار تاني وفي الوقت ده قطعي الفراخ ودي تتقطع ازاي هقولكوا بصوا قطعة البانية حطوها بالعرض وابتدوا قطعوا رفيع تمام كدة وعلوا النار وانزلوا بالفراخ وافضلوا قلبوا هتلاقوا لونها بأه ابيض ساعتها وطي النار خالص وابتدي حطي باقي المكونات كلها ماعدا الملح والطماطم وبعدين علي النار وقلبي كويس وتوطي النار تاني وقطعي الطماطم مكعبات صغيرة وحطيها علي المكونات وعلي النار وقلبي كويس وحطي نص كوباية مية وسيبيها وقلبي من وقت للتاني لحد متشرب ميتها كلها ودوقي لقيتيها محتاجة ملح حطي بس مظنش لإننا حاطين بهارات وماجي وطحينة فكفاية ملح كدة واطفي النار وهاتي ورق بقدونس من غير عيدان علي اد متقدروا بس هما حبة صغنانين كفاية وافرموهم ورشوهم علي الشاورمة وهاتي رشة نعناع ناشف خفيفة اوي وافركيها بإيدك علي الشاورمة وقلبي ادي الشارومة خلصت

وومكن تحطيها تحت الشواية تاخد لون

فراخ بانية 1535509_625828524196717_2735132806336812713_n