تخزين الخضروات
صفحة 1 من اصل 1
تخزين الخضروات
تخزين الخضار لتطبخى بدون مجهود ووقت طويل
أولاً : تخزين البامية
بتجيبي البامية عادي جدااااااااااا وتقمعيها وتغسليها طبعا وبعدين تخلي مية تغلي علي النار وتعصري فيها ليمونة وتنزلي البامية يادوب ثواني وتشيليها علي طول علي مية بتلج ضروووووووووووووووري وتسيبيها لحد متبقي ساقعة اوي صفيها كويس وفي اكياس وعلي الفريزر
ثانياً : تخزين البسلة
بتجيبي البسلة وتفصصيها عادي وتغسليها وتصفيها كويس اووووووووووي وتجيبي جزر واغسليه وقشريه وقطعيه مكعبات وحطي بسلة علي الجزر وقسميهم في اكياس وعلي الفريزر
ثالثاً : تخزين الملوخية
هاتي الملوخية وقطفيها واغسليها كويس اووووي ونشفيها كويس من المية وبعدين خرطيها وحطيها في اكياس وعلي الفريزر في ناس بتحط عليها شوربة او مية سخنة وتشيلها كدة نصيحة مني بتسود لكن لما تخرطيها وتشيليها لوحدها بتبقي زي الفل
رابعا : تخزين ورق العنب
جيبي ورق العنب واغلي مية بحبة كمون صغيرين ونزلي ورق العنب ثواني وطلعيه علي مية بتلج واول ميسقع صفيه كويس وفي اكياس وعلي الفريزر من غير متشيلي عنقوداته ولا تفكيه اصلا لما تطلعيه عشان تطبخيه ابقي اعملي كدة
خامساً : تخزين الكرنب
هاتي الكرنب واغلي مية برضه بحبة كمون ونزلي الورق فيه لحد ميطري وشيليه علي مية ساقعة وبعدين امسكيه قطعيه علي مقاس مبتلفيه وبعدين كيسي وعلي الفريزر يادوب هتطلعيه يفك وتحشيه وتسويه
سادساً : خضرة المحشي
تجيبى الشبت والبقدونس والكزبرة يتغسلوا كويس ويتشال الجذور وبعدين قطعيها وكيسيها وعلي الفريزر ولما تحبي تستخدميها اوعي تطلعيها تفك ابدااااااااااا كدة هتنزل ميتها وهتبقي عاملة زي العجينة انتي حابة تستخدميها يبقي متطلعيهاش غير لما تكوني هتحطيها علي طول في الطبخ يعني تطلعيها مجمدة علي النار عدل
سابعاً : خلطة المحشي
بتجيبي بصل وتحطي سمنة علي النار واول متسخن انزلي بالبصل ولما يبقي ذهبي حطي عليه الطماطم المعصورة وملح وفلفل اسود وبهارات مشكلة وفي بهارات بتتجاب من عند العطار اسمها بهارات محشي وسيبيها لحد متتسبك وبعدين اطفي عليها وسيبيها لما تبرد خالص وشيليها في الفريزر ولما تحبي تستخدميها يبقي تطلعيها تحطيها علي النار وبعدين تحطي عليها الخضرة تاخد غلوة بالظبط واطفي وبعدين تكوني غاسلة الرز ومصفياه وحطيه عليها
ثامناً : الثوم
اظن ده مفيش اسهل منه جيبي التوم وفصصي وعلي الكبة افرميه وشيليه علي الفريزر حبيتي تستخدميه طلعيه قبل متستخدميه بخمس دقايق بالظبط هيفك بسيط وتاخدي اللي تاخديه والباقي شيليه تاني
تاسعاً : الليمون
اعصريه وحطيه فى مكعبات التلج واحفظيه فى برطمان فى الفريزر ولما تحتاجى طلعى مكعب
عاشراً : الطماطم
بصوا يا جماعة ناس كتير بتعصر الطماطم وتشيلها معصورة بس اللي بيحصل انها بتعمل طبقة مية كتيرة جدا فانا بعمل ايه بأه بجيب الطماطم واغسلها واقطعها اربع واحطها على النار بدون اضافات لحد ماتغلى وتنزل ميتها للنص بضربها فى الخلاط واصفيها واعبيها فى اكياس
بشاير النور- عدد المساهمات : 601
نقاط : 1740
السٌّمعَة : 1
تاريخ التسجيل : 13/05/2011
مواضيع مماثلة
» طريقة تخزين ورق العنب
» تخزين البطاطس فى الفريز
» طريقة تجميد الخضروات والفواكة بالصور هام جدا
» طريقة تخزين الكرنب، ورق العنب والقرنبيط
» بيتزا الخضروات فى الميكروويف
» تخزين البطاطس فى الفريز
» طريقة تجميد الخضروات والفواكة بالصور هام جدا
» طريقة تخزين الكرنب، ورق العنب والقرنبيط
» بيتزا الخضروات فى الميكروويف
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الجمعة أبريل 21, 2017 12:00 pm من طرف goga miro
» شركة ماى واى
الإثنين أبريل 10, 2017 12:23 pm من طرف goga miro
» ربية منتجات فرع الشرقيه اليوم الاثنين 10-4-2
الإثنين أبريل 10, 2017 12:21 pm من طرف goga miro
» برنامج صمود(ابريل-ايو-يونيه 2017) من شركة ماى واى وفرصة تحقيق شيك ليدر هذا العام وتكريم مادي ومعنوي .. تعرف علي التفاصيل !!
الجمعة أبريل 07, 2017 7:58 pm من طرف goga miro
» كلام_كبار_وركز_فيه_كويس_اكيد_هتستفيد
الجمعة أبريل 07, 2017 12:13 pm من طرف goga miro
» تنشيط فروع ماى واى الموحد ( فروع القاهره- الصعيد-الدلتا - القناه ) من 8-15 ابريل 2017 وتنشيط العضو الجديد
الجمعة أبريل 07, 2017 12:08 pm من طرف goga miro
» منتجات توفرت اليوم بفرع بورسعيد
الأربعاء أبريل 05, 2017 7:08 pm من طرف goga miro
» منتجات توفرت اليوم بفرع المطرية
الأربعاء أبريل 05, 2017 7:05 pm من طرف goga miro
» منتجات توفرت اليوم بفرع ميامى
الأربعاء أبريل 05, 2017 7:01 pm من طرف goga miro