طريقة عمل الكسكسي المصري

من طرف **بنتوتة مصرية** الأحد أكتوبر 26, 2014 3:06 am

طريقة عمل الكسكسى المصري
المقادير :
6 اكواب دقيق.
كوب ماء مذاب فيه 1 ملعقة صغيرة ملح.
التحضير :
"في جهازين مهمين عشان تعملي الكسكسي
الكبة وحلة الرز او حلة بخار "
نرش رشة مية خفيفة على الدقيق
وبعدين نجمع الدقيق بين الكفين وندعكه بحركة دائرية لحد ما تختفي المية
ونرجع تاني نرش كمية مية خفيفة ونكرر لحد ما تخلص المية ولحد مايختفي كل الدقيق البودرة
ممكن نزود ربع كوب مية تاني على حسب الدقيق المهم ماتزوديش المية عشان ما يعجنش.
وبعدين نحطة كمية منه في الكبه ونفرمها
ونكرر لحد ما تخلص الكمية
انا بعمله في حلة الرز على البخار
وطبعا لو عندك الحلة بتاعته يكون افضل
ولو معندكيش الاتنين اعمليه في مصفى وتحتهتا حلة فيها مية
بجيب المصفى بتاعت حلة الرز واحط فيها قماشة نظيفة واحط فيها الكسكسي
اقفلها كويس واحط مية في الحلة نفسها من تحت واغطيها واشغلها واسيبها ساعة
لحد ما ريحة الدقيق تختفي من الكسكس
بعد كده احطها في صينية كبيرة واقلبه لحد ما يبرد
وارجع افرمه مرة كمان في الكبة .
وبكدة يكون الكسكسي جهز
عند الاكل بس تضيفي عليه زبدة او سمنة وتسخنيه على النار
لو عايزة تاكليه حلو زودي عليه سكر وجوز هند وزبيب ومكسرات
او تاكليه جنب بطة حنون والشوربة
او تعملي جنبه كوسة وبطاطس في الصلصة بتبقى حلوة اوي
وبالهنا والشفا ان شاء الله

طريقة عمل الكسكسي المصري 1383276_713259348751248_1967462667077095561_n

طريقة عمل الكسكسي المصري 1383276_713259348751248_1967462667077095561_n