طريقة عمل السمبوسة

من طرف كوكي الجمعة أغسطس 19, 2011 4:18 am

السلام عليكم ورحمة الله

[size=16]كل سنة وانتو طيبين يا احلى فتوكات

انا عملت السمبوسه وفيه ناس كتير بيقولو عليها السمبوسك
اختلاف اللهجه من بلد للتانيه

وعلى فكرة سهل جدا اننا نعملها فى البيت بدل ما نشترى العجينه جاهزة
وكمان ممكن تخزنيها فى الفريزر بعد ما تحشيها
وتطلعيها قبل ما تعمليها بشويه تفك وتقليها على طول

ندخل بقى على السمبوسه او السمبوسك

المقادير
2كوب دقيق
بيضه (اختيارى)
ذرة ملح
ماء دافئ
1/4كوب سمن

للحشو
زبيب -جوز الهند-سودانى-سكر -مكسرات(اى نوع تحبيه)

الطريقه
نحط الدقيفى طبق وعليه السمن ونبسه كويس او نفركه كويس حوالى 5دقائق تقريبا(والخطوة دى مهمه)

نضيف البيضه والماء الدافئ تدريجى وعلى فكرة البيضه اختيارى ممكن ما تضيفيهاش
لكن الافضل اضافتها لانها بتخلى لون السمبوسهدهبى بعد التحمير
وكمان ياريت تحطى الميه بالراحه خالص لانها مش بتاخد ميه كتير (تقريبا نصف كوب ماء)
هاتخلطى كويس لغايه ما تلاقى العجينه مش بتلزق فى ايدك او فى حرف الطبق
وطبعا لو محتاجه دقيق تحطى او محتاجه ميه تحطى

ودى صورة العجينه
طريقة عمل السمبوسة R4nayflaw7yj

وتسيبى العجينه حوالى نصف ساعه

وبعد كده تبدئى تقسميها كور صغيرةبالشكل ده
طريقة عمل السمبوسة V4kvy1tfxlr5

وتسيبها ربع ساعه
وبعد كده تاخدى واحده واحده وتفرديها كده
طريقة عمل السمبوسة 1lbv9kxkzl76

وتحطى جواها الحشو اللى انتى عايزاه
طريقة عمل السمبوسة 6cgeszujjr79

ونتنى الحرفين على بعض نقفلها يعنى ولازم تتاكى على الاحرف كويس جدا علشان ما تتفرطش معاكى فى الزيت
طريقة عمل السمبوسة Ql7apyiobr6s

بعد كده تقليها فى الزيت وخدى بالك علشان بتحمر بسرعه
وده شكلها بعد ما خلصت
طريقة عمل السمبوسة Ya6abbx94gkq

على فكرة مقرمشه وجميله وطعمها روعه

[/size]