15 نصيحة ضد " الكراكيب " !

من طرف goga miro الأربعاء يناير 28, 2015 4:15 pm

أكيد فيه حاجات فى بيتك بتكونى متضايقة منها وبتعمل لك " زحمة وكركبة " ، وعشان كده مروة ابراهيم ـ أخصائية الإقتصاد المنزلي ـ ستقول لك مجموعة نصائح ياريت تلتزمى بيها عشان يكون بيتك منظماً وجميلاً بشكل أفضل ..

1. لإمتصاص الروائح من العلب البلاستيك ضعي فيها ورق جرائد وإقفليها لمدة يوم وستعود كما كانت .

2. ممكن تستخدمى ال "تووك الأستك" اللى بتيجى بكل الألوان عشان تثبتى وردة على طرف الكوبيات من الخارج.

3. ?ألواح التقطيع ممكن تحطيها فى المايكروييف لتعقيمها بدلاً من الاستغناء عنها .

4. الدوبارة التخينة الخاصة بالمكرمية متوافرة بكل الألوان، لفيها على أباجورة قديمة لتجديد شكلها.

5. لو محتاجه تقلعى الحلق بتاعك لأى سبب ممكن تحطيه فى فتحات الساعة زى الصوره عشان ميضعش فى الشنطة

6. أى مفرش بلاستيك قديم أو مقطوع ممكن تقصى منه وردات أو رسومات بسيطة وتستخدميها كقواعد للكوبيات.

7. ممكن إسطوانه كرتون من بتاعت المناديل تزينيها وتستخدميها لتنظيم التوك وأساتك الشعر.

8. ?لو الورد قصير على الفازة زودى طوله بشاليمو شفاف

9. ?تابلوه قديم بشوية تعديلات ممكن ينفع صينية جميلة.

10ـ علبة نضاره قديمة ممكن تستخدميها عشان تشيلى مكياجك أو أدواتك الشخصية فى الشنطة.

?11 ـ عشان محدش يشرب من كوباية حد تاني حطى ستيكرات صغيره بأشكال مختلفه على الكوبيات

12 ـ أى جيب بنطلون جينز قديم ممكن نقصوا و نركب له شريطة طويلة يبقى جراب موبايل لبنوتة صغيرة، وممكن تلزقى عليه من بره وردة أو ترتر أو تزينيه بأى حاجة من إبتكارك

13 ـ البرطمانات القديمة ممكن تحطى فيها الإبر أو الزراير أو المسامير الزيادة بدل ما ترميها فى كل مكان، وممكن تجيبى حتة اسفنج و تثبتيها على الغطا عشان دبابيس الطرحة.

14 ـ لقيتى وصفة عجبتك فى مجلة مش لازم تحتفظى بالمجله كلها ، قصى الوصفة واحتفظى بيها فى دوسيه بلاستك لأنه هيحمى الورق من بهدلة المطبخ.

15 ـ الأطباق أو السلطنيات الصينى الصغيرة ممكن تحطيها فى الدرج جنب بعض وحطى فيها الإكسسوارات والدبابيس والتوك والبنس.

رد مع اقتباس