الكوردن بلو زي الجاهز بالظبط

من طرف بارو الثلاثاء أكتوبر 04, 2011 2:53 am

حبيت اقولكم على طريقة الكوردن بلو يعنى صدور الفراخ المخلية بس محشية جبنة قشطة والفلفل الاخضر

ندخل على الطريقة
فراخ بانيه بس و احنا بنشتريها نقول للراجل رققها علشان هنحشيها
نتبل الفراخ البانيه بماء البصل و الليمون و الملح و الفلفل
بعدين نجى على الخلطة الى حنحشى بيها الفراخ وهى جبن رومي او شيدر مبشور
ملعقة قشطة ودى حسب الرغبة
فلفل اخضر مقطع مكعبات صغيرة
نخلط الحشو في طبق

(اللي هو الجبن المبشور +الفلفل الاخضر المقطع + القشطة)
نجيب قطعة الفراخ ونفردها و تحشيها من الحشو (ملعقة كبيرة مثلا)
بنحشي بالطول مش بالعرض
وبعد كدة نحضر طبق فية دقيق ونحط فيها الفراخ
بحيث الدقيق يغطيها تماما
(سامعة واحدة بتقول كده مش هتفك؟؟)
(ماهو الدقيق لما يغطيها تماما مش ممكن تفك ابدا)
(عموما لو خايفة تفك اقفليها بخلة السنان بالطول علشان ماتكونش بارزة
ونكون محضرين بيض مضروب وعليه ملح و فلفل
ونحط الفراخ فى بيض مضروب وعليه ملح و فلفل
وبعدين نكون محضرين
دقيق ذرة
(علشان هتاخد وقت و البقسماط بيتحرق بسرعة انما ده بيستحمل
ونحط الفراخ فيها بعد البيض على طول
و نرصهم في طبق
و لما نخلص الكمية اللي عندنا نحطهم في التلاجة نصف ساعة مثلا علشان يمسك نفسه
و بعدين نحضر طاسة فيها زيت غزير و نحط الفراخ فيها و نقلب كل فترة
علشان تتحمر من كل الجوانب
و تقدم ساخنة
انا متخيلاني باكلها دلؤتي و الجبن الرومي او الشيدر بتمط معايا وباكل معاها مكرونة
وممكن نعملها باللحم البفتيك
ويارب تعجبكو
منقول