الف باء ماي واي (تعالي اعرفي كل شي بتفاصيل اكتر )

السّلامُ عليكم ورحمة الله وبركاته Smile

ألِفْ باءْ،، مايْ وايْ

الموضوع ده،، لأيّ حد لسّة هايسَجِل جديد في ماي واي،،

ولأيّ حد لسّة عضو _فعليّاً _ جديد!

ومُمكن يكون الموضوع موجود قبل كده،،

بسّ للتّذكِرة،،

نبدأ من أوّل وجديد ^_^

هستَفيد إيه لمّا أعمِل عضوِيَة في ماي واي؟

بُصّ ياسيدي،،

حضرِتك بتشتري آيس كريم بودر؟

فيجيتار؟

خلطات؟

بتِشتري شامبوهات وشاورات؟

بتشتري زيوت وكريمات؟

وكمان مُنَظِّفات؟

كُل الحاجات دي انتَ بتِحتاجها في بيتَك

ومُمكن تشتريها من مكان واحِد،،

وكمان تستفيد ^_^

لو مُوافِق يبقى ياللا بينا ع أقرب فَرع ليك،، من فروع ماي واي

في جيبك عشرة جنيه،، ومعاك بطاقتك،،

وادخل ع المُوظّف اللي قدّامك،، وقل له " أنا عاوز أسَجِل عضوية"

وبكده بقى عندك أكونت في ماي واي ^_^

ومن حقك تستفيد بعضويّتك في أيّ فرع من فروع ماي واي

والعشرة جنيه دي،، بتدفعها مرّة واحدة بسّ،،مش اشتراك شهري ولا حتى سنوي

بسّ بشرط

في خِلال ست شهور،، تكون اشتريت بعضويّتك دي حاجات قيمِتها خمسين نقطة Smile

طيّب يعني إيه نُقطة؟

واستفَدت أنا إيه بعد مادفعت العشرة جنيه ومشيت من الفرع؟

وإيه زحمة الأعضاء اللي هناك دي؟ مُستفيدين إيه من وجودهم في ماي واي؟!

كلّ ده _بإذن الرّحمن_ في المُشاركات الجاية Smile

يعني إيه نُقطة؟

طيّب سيبك الأوّل من النُّقطة،،

وشوف اللي في إيدك ده،،

أيوووه،،

الكتالوج ده،، بتاخده كلّ شهر من الشركة،، لأنك بقيت عضو فعلي

من حقك تروح أوّل كل شهر،، وتطلب نسختك من الكتالوج

ودي كانت أوّل ميزة لكونك عضوة

ولأنّك عضو في ماي واي،، هاتبدأ تستفيد بعروض الكتالوج

افتح معايا كده أوَل صفحة

طب تاني صفحة

طب التالتة،،

أيووووه

دَوّر معايا على 1+1

واقلب الصفحة كمان

لقيت إيه؟

2+1 ؟

دي أوّل حاجة هاتستفيدها بالعضويّة

عروض الكتالوج

لمّا يكون في مُنتج عليه عرض 1+1 يعني لمّا بتشتري واحد منّه،، بتاخد نفس المُنتج هديّة

وبيكون مكتوب تحت المُنتج السّعر وعدد النّقاط

وبما اني باخده هديّة،، يعني بدفع سعره مرّة واحدة،، ونقاطه بتنضاف لي مرة واحدة

يعني مثلاً،، شامبو بعشرة جنيه،، نازل بعرض 1+1 ،، وعليه 4 نقاط

لما بشتري منه عرض،، بشتري اتنين بعشرة جنيه قبل الخصم،، اللي هو 7.5 بعد الخصم،، وبينضاف لفاتورتي أربع نقاط

امّا بقى ياست الكل يكون المُنتج عرضه 2+1 يعني لمّا بتشتري اتنين من نفس النوع،، بيكون من حقك تاخد التالت هدية

يعني مثلاً،، شامبو،، بعشرة جنيه،، نقاطه أربعه

نازل بعرض 2+1

لو حبيت آخد العرض،، فأنا هشتري اتنين،، يعني بعشرين جنيه قبل الخصم،، يعني كااام بعد الخصم؟ ها؟ أيوة 15 جنيه

وآخد التالت هدية

وكده أنا اشتريت اتنين،، عدد نقاطهم 8

ولمّا بشتري عرض من المُنتج ده،، يعني أنا اشتريت 2+1

ولو حبيت أشتري عرضين،، مش يعني قطعتين

عرضين يعني 4+2

ومبروك الاتنين الهدية

تاني حاجة هستفيد بيها من عضويّتي في ماي واي

حاجة اسمها هدايا النِّقاط

والنقاط دي اللي مأجلينها من شوية،،هي اللي بتقيس حجم العمل بتاعك

انت اشتريت بكام؟

انت اشتغلت بكام؟

وتحت كل مُنتج "في الكتالوج"مكتوب هوّ قيمته كام نُقطة

لو عَملت 150 نُقطة في فاتورة واحدة،، بيكون من حقك تحصل على هدايا بقيمة "15 جنيه

بتكون مُحدّدة وثابتة،، وبتتغيّر كل شهر مع تغيُّر الكتالوج

ولو عملت 150 نقطة عشر مرّات،، هاتاخد الهدايا دي عشر مرّات

مفيش رينج،،ولا حد أعلى

مَبروك عليك الهدايا

تعالَ بقى نشوف العروض الأسبوعيّة،

في المُشاركة الجاية

العُروض الأسبوعيّة،

ودي بقى حاجة كمان تُميّزك كعضو ماي واي

إيه هيّ بقى العروض الأسبوعية دي؟

الشركة بتقسّم الشهر ع 3 أسابيع،

آه أسبوعهم عشر أيّام مش سبعة زيينا

كل أسبوع بتنزّل مُنتج مُعيّن،، وبيكون هوّ مُنتج العرض الأسبوعي

وبيكون عرضه 1+1

لو عَملت فاتورة ب 100 نُقطة خلال فترة العرض الأسبوعي،، بيكون من حقي أستفيد بالعرض

طَيّب أنا واحد مش هقدر أعمِل 150 نقطة،،

ولا هقدر أستفيد بالهدايا دي

أنا واحد آخري حاجات بيتي ومش كتير،، وآخرها خمسين نقطة في الشهر

هستفيد إيه بقى بالعضوية؟

هاتستفيد حاجة،، بيستفيد بيها اللي بيشتري كتير واللي بيشتري قليل

وهيّ نسبة خصم ثابتة عن أسعار الكتالوج

25% لكل المُنتجات،، و20% لمُنتجات ماي شيف

حاجة كمان مُمكن تستفيد بيها من وجودك في ماي واي،،

وهيّ من أهم مايُميّز ماي واي عمّا سواها

البرنامج،،

وده غير بتاع باسم يوسف!

ده اسمه البرنامج البيعي،،

الشركة بتقسّم لك البرنامج على شهرين أو 3 شهور

أو بمعنى أصحّ،، مرحلتين أو 3 مراحل

يعني مثلاً برنامج الشهر ده ،، هديّته لحاف صيفي،

عشان آخد هديّة البرنامج مطلوب مني أعمل 800 نقطة

ولأنّ مش كل الناس تقدر تعمل 800 ،،

فالنقاط اتقسّمت ع مرحلتين،، أو شهرين

برنامج شهر يوليو 350 نقطة،،

وبرنامج شهر أغسطس 450 نقطة

وكده تكون عملت 800 نقطة،،

وتاخد هديّة البرنامج

وخلال المرحلة الأولى من البرنامج،، عشان الشّركة ترفع من معنوياتك ،،

بيكون في هديّة للجزء الأوّل من البرنامج،، وغالباً ما بتكون مُنتج من مُنتجاتها

حاجة كمان مُمكن أستفيدها،، لمّا أكون عضو"ة" في ماي واي

العروض التنشيطية

تنشيط،،

أو تحفيز

يعني هديّة بتستحقها حضرتك،، لمّا تعمل عدد مُعين من النقاط،، في وقت بيحدده الفرع

والهدية دي غير هدايا البرامج؟

أيوة

غير هديا النقاط؟

أيوة

والهدية دي بتختلف قيمتها حسب عدد النقاط،، وبتكون مُوضحة بإعلان في الفرع
ودي ميزة من مزايا انّك تشترك تحت راعي مش تحت الشركة مُباشر
ازاي بقى؟

لأنّ الهدايا دي بتكون مُقدّمة من الراعي لحضرتك

بالتوفيق

الف باء ماي واي (تعالي اعرفي كل شي بتفاصيل اكتر )

الف باء ماي واي (تعالي اعرفي كل شي بتفاصيل اكتر )

رد: الف باء ماي واي (تعالي اعرفي كل شي بتفاصيل اكتر )

رد: الف باء ماي واي (تعالي اعرفي كل شي بتفاصيل اكتر )

رد: الف باء ماي واي (تعالي اعرفي كل شي بتفاصيل اكتر )

رد: الف باء ماي واي (تعالي اعرفي كل شي بتفاصيل اكتر )

رد: الف باء ماي واي (تعالي اعرفي كل شي بتفاصيل اكتر )

رد: الف باء ماي واي (تعالي اعرفي كل شي بتفاصيل اكتر )