طريقة عمل التوست بالصوررررررررررررررررر

من طرف بارو السبت نوفمبر 19, 2011 6:46 am

تعالو نشوف المقادير والطريقه مع بعض
4 كوب دقيق
2 كوب ماء
4 ملاعق زيت
2 ملعقه سكر كبيره
قطعة خميره بيره
اول حاجه هنجيب الخميره و السكر ونص كوب ماء و نخمرهم مع بعض
بعد كده كوب دقيق وع الخميره والمايه والسكر اللى اتخمرو مع بعض
ونعجن هيكون العجينه سايله نبدء نضع الدقيق الباقى ونعجن لو لقيتى العجينه عاوزه دقيق زودى شويه دقيق
بعد ما نعجنها نسبها تخمر حوالى ساعه ونص

العجينه دى بعد ما خمرت انا كنت عامله 4 كوبيات دقيق بس بكوب الجبنه البريزدون الصغير
لانى لما اجى اجرب حاجه بجرب بمقادير بسيطه فعلشان كده العجينه مش كتير يا دوب
المقدار اللى انتو هتشفوه بس

هنا العجينه لما بططها علشان اطبقها مقاس القالب اللى هحط فيه العجينه
وطبعا نكون دهنينه زيت ورشينه بالدقيق كويس وده شكل القالب

بنقيس القالب على العجينه علشان يطلع المقاس مطبوط

العجينه بعد ما حطيناها فى القالب
نغطى العجينه بكيس نايلون وفوطه ونسيبها تانى حوالى ساعه ونص تخمر تانى

هنا خمرت بعد الساعه ونص ندخلها الفرن انا دخلتها فرن الكهربا على درجه حراره 350 درجه
قعدت حوالى تلت ساعه

هنا والقالب داخل الفرن شايفين بء العجين يعلا كمان ازاى وهو داخل الفرن
وقبل ما نطلعه بحوالى 5 دقايق ندهن وشه زيت يالفرشاه ونقفل الفرن تانى يكمل التسويه بتعته

بعد ما يطلع من الفرن نبدء تانى نغطيه بكيس نايلون وفوطه ونسيبه حوالى ساعه الا ربع
ونقطع و بالهنا والشفا على قلوبكو
انا مش هتكلم هسيب الصور تتكلم يارب يعجبكو

ا