بلاش ميكب رخيص

من طرف بشاير النور الأحد فبراير 14, 2016 5:56 pm

موضووووع مهم
يا بنات الميك أب الرخيص دة بجـد كارثة
أرجوكي ثم أرجوكي ثم أرجوكي
بلاش ميك أب رخيص
أنتي بتبقي مبسوطة بالنتيجة لكن في الحقيقة دي نتيجة مؤقتة
شوفو يابنات مفيش ميك أب بنسبة 100\100 مابيعملش أعراض أي كانت اية هيا
والميك أب البشرة بتشربة عارفة يعني أية بشرتك تشرب ميك أب ؟
يعني مع الوقت بيتراكم تحت الجلد
ولو مش نضيف هايعملك كوااااااااارث ومنها سرطان الجلد " ربنا يحافظ علي الجميع "
غير الالتهابات و الاحمرار و الحبــــــــــوب الي هاتطلعلك من حيث لا تعلمي ولا تدري والحساسية
هاتقوليلي يعني محطش ميك أب ؟ هاقولك لاء حطي لكن
أِشتري نــــــــوع نضيف
وخصوصا بقي ونخص بالذكر الحاجات الي مفيهاش تهاااااون أنك تشتري ميك أب اوريجينل
( فونديشن - كونسيلر - أقلام الكحل وحطي تحت اقلام الكحل مليون خط - البودر بكل أنواع - البلاشر - المساكرا - الأيشادو )
ممكن تشتري أيلاينر مش ماركة ماشي
الفرش مش مشكلة أشتري اي فرش
و كارثة أخري ( الروج - الليب جلوس )
الليب جلوس والروج ممكن بالغلط و أنتي حطاه يدخل في بقك
ممكن وانتي بتاكلي يجي في الاكل وانتي بتاكلي حزينةحزينة كوارث
أهو دة بقي الي يا تشتري أوريجينال يا ماتحطيش خالص
في ناس عندها طبيعي حبوب حتي من غير ماتحط ميك أب دول حالة تانية
لكن الناس الي تحط ميك أب رخيص وبعدين يطلعلها حبوب يبقي أنتي رايحة في طريق أخرته عمليات وكريمات وهاتدفعي ضعف الي وفرتية في الميك اب وهاتوصلي للحالة دي
كمان في شوية نصائح :
1- لازم ترطبي وشك بائ مرطب وتسيبي البشرة تشربة قبل ماتعملي الميك أب " دي طبقة عازلة بين جلدك والميك أب "
2- لازم تشيلي الميك أب بـ السائل المخصوص Makeup Remover و مش كدة وبس بعد ماتخلصي تروحي تغسلي وشك بـ غسول لوشك تحت الماية
3- تعملي ماسكات لوشك من حين لأخر ,, أي ماسك أنتي عايزاه وترتاحي له
4 - حاولي وحاولي علي قد ماتقدري تبعدي عن الميك أب لو في يوم مش محتجاه سيبي وشك يرتاح علي الاقل يومين كل أسبوع
5- كريمات الترطيب الي بتشتريها دي مهمه أوووووووووووعي تشتري الرخيص والماركات المجهولة لان ده بشرتك بتشربه ويمكن اكتر كمان من الميك أب
6- قبل ماتنزلي تشتري ميك أب أقري ريفيوهات أتفرجي علي يوتيوب شوفي صورته الاصلية علشان محدش يضحك عليكي
7- الميك أب صلاحيته خلصت يتــــــــــــــــــــــرمي يترمي يترمي يترمي مش تقولي خسارة لا الخسارة الحقيقه انك تحطيه علي وشك
كريمات - كونسيلر - فونديشن - بودر - روج - ايشادو - كحل - مسكاره - ايلاينر - بلاشر - كريم للعيون - BB cream -يترمـــــــي
والأحسن أنك تشتري حاجتين تلاتة غالية أحسن من أنك تملي أوضة كاملة ميك أب رخيص
بشرتك اغلي بكتييييييييير ....