يلا نشوف أحسن 10 أنواع أكل للتخسيس

من طرف goga miro الإثنين يناير 23, 2017 3:45 pm

يلا نشوف أحسن 10 أنواع أكل للتخسيس

لو أنت هتعمل دايت، لازم يكون عندك نوعية أكل و شرب أساسية فى النظام الغذائى بتاعك، علشان توصل للنتائج اللى أنت عايزها للتخسيس، فى أكل كتير طبيعى هيساعدك أوى فى الدايت بتاعك و ممكن تأكله فى وجباتك اليومية، طيب أية هو الأكل ده؟

1. اللبن

كوباية لبن خالى الدسم بيحتوى على 56 سعر حرارى، و أحسن لبن هو اللبن البقرى و يا سلام لما تأكل معه فاكهة مقطعه زى التفاح أو الموز، لأن اللبن مصدر كويس للكالسيوم و البروتين و فيتامينات تانية كتير.

2. الحبوب

هى غنية بالألياف و تخليك حاسس بالشبع مع سعرات حرارية أقل، مثل الكورن فليكس و الدرة و الشوفان، و تأكلها مع كوباية لبن خالى الدسم و معلقة صغيرة من العسل، هتبقي أكلت وجبة كاملة و متكاملة و حتكون شبعان لفترة طويلة.

3. المياة

المياة أحسن حاجة للتخسيس، لازم تشرب 12 كوباية مية أو 3 لتر فى اليوم علشان تغسل جسمك و تحس بالشبع، كمان المية ما بتحتويش على أى سعر حرارى، و بالتالى تكون المية عنصر أساسى فى بعض الأنظمة الغذائية.
أحسن 10 أنواع أكل للتخسيس

4. السلطة

لازم يكون الدايت بتاعك فى سلطة مع وجباتك اليومية، تتكون السلطة من: طماطم و جزر و خيار و بنجر و ليمون، لأنهم هيمدوا جسمك بالعناصر اللى محتاجها و هتلاقي نفسك بتأكل كمية صغيره فى الوجبة الأساسية و متلخبطش، دى كمان بتحتوى على سعرات حرارية قليله جداً.

5. الفاكهة

كتير من الفاكهة بتحتوى على سعرات حرارية قليلة و غنية بالفيتامينات و الألياف و المية اللى الجسم بيحتاجها، و أفضل فاكهة تأكلها فى الدايت بتاعك هى: البرتقال و التفاح و الموز و الفراولة و الجوافة و الرمان و الجريب فروت.

6. الشيكولاتة

أثبتت دراسات كتيره، بأن قطعة صغيرة من الشيكولاتة الداكنة بتساعد على إنقاص وزنك و أوعى تنسى التمارين معها، فالشيكولاتة بتديك طاقة علشان تحرق سعرارت حرارية، ابدأ بأكل قطعة صغيرة من الشيكولاتة الداكنة فى نظام الدايت اليومى بتاعك.

أحسن 10 أنواع أكل للتخسيس

7. البقول

ممكن تأكل فول و فول حراتى و لوبية فى الدايت بتاعك، حوالى 50 جرام من البقول دى بتحتوى على 140 سعر حرارى بس، و كمان غنية بالبروتين و الألياف و الفيتامينات، و تحسسك بالشبع.

8. الفشار Twisted Evil

ممكن تأكل فشار من غير دهون، 4 كوب فشار بتحتوى على 100 سعر حرارى بس، وده يخلى الفشار اختيار كويس للتخسيس.

9. الخضراوات

الخضراوات هى أهم الأطعمة اللى بناخد منها الفيتامينات و مضادات الأكسدة و الألياف و المياة اللى بيحتاجها جسمنا، أحسن تأكل الخضار طازة بدل المطبوخ، و الخضراوات بتساعد على الشبع و هى من الأكلات الصحية.

10. السمك

عود نفسك أنك تأكل سمك فى الدايت بتاعك، لأنه غنى بالأميغا 3 و ده بيساعد على انقاص وزنك و يغذيك كمان.
Rolling Eyes