كيفية إنقاص الوزن بطريقة صحية ؟

من طرف goga miro الإثنين يناير 23, 2017 3:50 pm

الرئيسية » تغذية » إنقاص الوزن » كيفية إنقاص الوزن بطريقة صحية ؟
كيفية إنقاص الوزن بطريقة صحية ؟
كيفية إنقاص الوزن بطريقة صحية ؟

الجسم بيحتاج أنك تغير شوية شوية من أكلك وحركتك، بمعنى أنك محتاج تغير روتين أكلك علشان يكون صحى أكتر وتبدأ تلعب رياضة أو تعمل شوية تمارين مع الدايت بتاعك.

لو أنت عايز تنقص وزنك بطريقة صحية ، أنت محتاج تعمل دول:

أعمل تغيرات بسيطة فى حياتك

تغيرات صغيرة هتعمل فرق كبير جداً بعدين،ما تشربش صودا أو تاكل سناكس غير صحية، ما تفوتش وجبة الفطار، وبدل ما تشرب لبن كامل الدسم اشرب لبن خالى الدسم، لازم تفكر ان انقاص الوزن هو تغير دائم لعادات أكلك ويكون أسلوب حياتك.

زود حركتك

فى طرق كتيرة علشان تزود من حركتك، ممكن تنضم لفريق رياضى أو اى رياضة بتستخدم المضرب أو حصص أيروبيكس أو جرى أو مشى أو سباحة أو ركوب العجل، أى حاجة من دول هيحسنوا مستوى لياقتك لو عملت اى رياضة لمده 20 دقيقة يومياً.

ممكن تخرج، وتسيب عربيتك وتتمشى للمحلات، كل خطوة زيادة أنت تمشيها هتساعدك كتير، حاول دايماً تستخدم السلالم بدل المصعد أو أنزل من الباص محطة قبل المحطة اللى أنت عايزها وأتمشى الباقى، وأنت بتتفرج على التليفزيون أقف واعمل تمارين.

زود من طاقتك

جسمك بيستخدم الأكل علشان الطاقة، وبيخزن طاقة زيادة على شكل دهون، بمعنى أنك لو أكلت اكتر من اللى جسمك عايزه، هيزيد وزنك.

علشان تنقص وزنك، زود من حركتك وقلل من كمية الكالوريز اللى أنت بتاكلها.

قلل الكالوريز بتاعتك

علشان تحسب كتلة جسمك علشان تعرف اذا كان وزنك صحي أو لأ، أنت محتاج تعرف وزنك وطولك واحسبهم زى كده:

اضرب طولك فى نفسه: 1.65 × 1.65 = 2.72
اقسم وزنك بالرقم ده: 80 ÷ 2.72 = 27.6
النتيجة 27.6 هو كتلة جسمك.

كتلة الجسم بين 18.15 لـ25 صحي.

كتلة الجسم أكتر من 25 زيادة فى الوزن.

كتلة الجسم اكتر من 30 بداية سمنة.

كتلة الجسم اكتر من 40 سمنة مفرطة.

أنت محتاج تقلل من أكلك ومن أكل الحلويات علشان تنقص وزنك، كل 300 الى 500 كالوريز اقل يومياً هيساعدك انك تنقص وزنك حوالى 0.50-1 كيلوجرام فى الأسبوع، جرب تأكل دهون اقل وبروتين وكربوهيدرات اكتر زى عيش الحبوب الكاملة وفاكهه وخضروات، اتبع النصائح دى علشان تقلل من الكالوريز:

اشرب مية بدل الصودا والعصائر.
ما تفوتش الفطار.
كُل 5-6 وجبات يومياً.
اشرب لبن خالى الدسم بدل كامل الدسم.
كل أقل فى الغداء.
بدل السكر بالعسل 3 معالق صغيرة يومياً.
ممكن تأكل اللى أنت بتحبه بس بكميات صغيرة.
ما تأكلش اى سناكس غير صحية بين الوجبات.

أكتب خطتك الحالية

لو فى حاجة مش مظبوطة فى الدايت بتاعك ومش عارف ايه هى، جرب تكتب الكالوريز بتاعت الأكل والمشروبات بتاعتك اليومية فى نوتة، لو أنت مش بتأكل وجبات سريعة وأكل محمر وأكل جاهز، يبقى أنت محتاج تشوف كمية أكلك، كمان اتمرن لمده 20 دقيقة يومياً.
كيفية إنقاص الوزن بطريقة صحية ؟ 2wd1pxc

خليك صبور

هتلاحظ التغير قبل إسبوعين أو بعديه وبعد أول الشهر هتقدر تشوف النتيجة، ممكن تأخد وقت علشان تغير من أسلوب حياتك وتنقص شوية من وزنك، عشان كده أنت محتاج تزود من حركتك وتظبط الدايت وتنتظم على الخطة بتاعتك.

طب، ايه هى الفوائد الصحية لأنقاص الوزن؟

اثبتت الدراسات كتيره ان فى علاقة بين السمنة ومرض السكرى، انقاص الوزن يقلل من خطر الإصابه بمرض السكر عند السيدات وخطر الإصابة بمرض القلب عند الرجال، زيادة فى الوزن على مر السنين ده امر طبيعى، بس لازم تتحكم فى زيادة الوزن علشان ما تزودش المشاكل الصحية فى سن صغير، كمان السيدات اللى بيزيد وزنهم اكتر هم عرضة أنهم يموتوا من اى نوع سرطان، علشان كده لازم نخلى وزننا فى المستوى الصحى، علشان متقلقش من اى مرض بعدين.