انت ليه مش بتخس ؟

من طرف goga miro الإثنين يناير 23, 2017 3:58 pm

كتير من البنات والشباب عندهم المشكلة دى مع انهم متبعين الدايت وبيتمرنوا، برغم من ده كله مش بيخسوا، وانت كمان ممكن تكون منهم وبتسأل نفسك انت ليه مش بتخس، فى الواقع فى اكتر من سبب للموضوع ده، واحنا هنقولك عليهم فى المقال ده.
انت ليه مش بتخس ؟

مش بتشرب مية كفاية

كلنا عارفين اد ايه شرب المية مهم لأنقاص الوزن، المية بتساعد على تقليل الشهية، بكده ما تأكلش اكتر من اللازم، كمان شرب المية بيساعد الكلى انها تأدى وظفتها وتطرد السموم من الجسم، سبب اخر هو لما انت ما تشربش مية كفاية الجسم بيروح يعتمد على الكبد كدعم اضافى، فيروح الكبد يشتغل اكتر والدهون تتخزن بدل ما تتحرق، المية بتساعد على هضم الألياف، علشان كده لازم تشرب مية صحيه وصافيه حوالى 8-12 كوباية او 2-3 لتر فى اليوم الواحد.

مش بتأكل بروتين كفاية

وجدت الدراسات ان البروتين بيساعد على الاحساس بالشبع وإنقاص الوزن ويحافظ على العضلات، علشان كده كل ما الدايت كان غنى بالبروتين وكل ما هتحرق كالوريز اكتر، طب، المفروض الشخص محتاج ياكل اد ايه بروتين فى اليوم ؟ فى الواقع، بيعتمد على وزن الشخص، بس معظم البنات المفروض تحصل على 40-80 جرام، ممكن تأكل زبادى (18 جرام) او 2 بيضة (13 جرام) للفطار وصدر فرخة (25 جرام) او سمك (22 جرام) او عدس (18 جرام) للغداء وللعشاء، بالنسبة للسناكس ممكن تأكلى كبشة من اللوز خام (6 جرام).

مش بتتحرك كفاية

ممكن واحد يقول كده انا بتمرن ساعة كامله كل يوم، بس مش بتتحرك باقى اليوم وبتقعد على المكتب ادام الكمبيوتر، بس الطريقة دى بتوقف عملية الحرق، علشان كده انت محتاج تمشى لمده 5 دقائق كل ساعة علشان تحرق كالوريز اكتر، ممكن كمان تطلع السلم بدل ما تركب الأسانسير امشى للشغل او اركن العربية بعيد شوية عن البيت.

هل انت بتتمرن بأنتظام؟

المبتدئين بيأكلوا اكتر وهما بيتمرنوا، ودى حاجة بتحصل فى المراحل الأولى لبرنامج اللياقة، لما الجسم بيتدى يتعود على نقص استهلاك الكالوريز وزيادة فى حرق الكالوريز، بس، التدريب بيخليك تخزن المية على انها بلازما فى مجرى الدم ويخزن وزن زيادة من المية، ما تخافش، الزيادة دى مش دهون ولا عضلات، بس ببساطة ترطيب، ودى حاجة كويسه، كل اللى عليك تعمله انك تفضل نشيط ورطب دايماً.

انت معرض للضغوط النفسية

هرمون الكورتيزول للضغط النفسى بيحفز الشهية ويببطء معدل حرق الدهون، فالنتيجة بيزيد وزنك خصوصاً انت بتحتاج تأكل كربوهيدرات اكتر واللى بتتخزن فى منطقة البطن، معلومة مفيدة، الرياضة بتقلل الضغط النفسى.