اسرار الكشري المحلات بالصوررررررررررررررررر

ش طريقه عمل الكشري .....اسرار الكشري هنا طبعا اكيد كلكو عملتو الكشري وجربتوه انا مش هكتب طريقتو المنتدى مليان وبالصور ربنا يجازيهم خير الفتوكات مش مقصرين
بس انا موضوعى ده للى جرب اى طريقه كشري وطلع معاها جميل وناجح بس ناقص حاجه الكشري البيتى بيبقى اكن كل حاجه مسلوقه لوحدها وترصصين مع بعض وخلاص لكن الكشري الجاهز بيبقى كلو كده ليه نكهه كده اكنو كلو مندمج مع بعض
يعنى وانتى بتدوقيه كدا حسيتى انو لذيذ بس مش نفس طعم الجاهز بتقعدى تسالى امال اي سر الجاهز بس الى بيخلى طعمو مختلف عن البيتى بصى ياستى معايا انا هقولك على التركات بتاعت الجاهز وجربيها وادعيلى
اولا الحمص انقعيه فميه من بليل مع نص معلقه كربوناتو الصبح اغسليه كويس وحطيه فميه نضيفه على النار
لة ة ز ظ
[size=25]- اول حاجه اسلقى العدس بجبه وكتريلو الميه هناحتاجها فكل حاجه هنعملها اسلقيه فميه بس من غير اى اضافات







قطعى 3بصله اربع وكل ربع شرايح وحطيه فمصفى ورشى عليه ملح وسبيه خمسه متحطيش دقيق والكلام ده خالص بيحرق الزيت ويبهدلو


ادعكى البصله الى سبتيها فالمصفه جامد كامد واعصريها كويس بايدك هتلاقيها دبلت خالص ونزلت ميه كتير وهوا ده المطلوب سخنى بقى فقلايه على النار زيت حوالى نص كوبايه كويس اوى اوى حطى فيه البصله واقلبيها لحد متبقى لونها ذهبي فاتح اوعى تسبيها اكتر من كده هتمرر ولاحظى انك لما تشيليها وهياذهبي وحطيها فمصفى واسع وسبيها فالهوا بعيد عن حراره البوتجاز هتكمل سوا لوحدها من السخونه هتبقى دهبي ومقرمشه والزيت مش هيتحرق


افرمى راس توم وحطى عليها 6 معالق زيت ومعلقه صغيره ملح ومعلقه كزبره ناشفه ونص معلقه كمون وم ص شطه بودر وسنه جوزه الطيب لو عندك وبواقى البصل الى مطلعتش مظبوطه وانتى بتقطعى الى هتقليه وسيبي الخليط
ده على جمب لما يتركن على جمب لحد متعملى الكشري ده هنستخدمو للصلصه وهوا سر من اسرارها



[size=16]دلوقتى بقى عندنا العدس استوى صفيه وافرديه فمصفى او قلايه ضيفيلو 2 م من الزيت الى حمرنا بيه البصل وملح وفلفل اسود وكده اول حاجه خلصت والبصل كمان اتحمر وبقى مقرمش ولونو جميل
وبقى عندنا اهم حاجتين الزيت الى حمرنا البصل فيه وخد من نكهتو والميه الغامقه بتاعت العدس الى هتدى طعم لكل حاجه فكشري نكمل بقى
[/size][size=16][size=25]-ناخد حله صغيره نحط فيها زيت من الى قلينا بيه البصل ونحمر فيه شويه شعريه حلوين كده ونحط عليه كوبايه الرز او الكميه الى عايزنها واهم حاجه نحط عليه مغرفه عدس من الى سلقناه وميه نضيفه عاديه كده هيطلع الرز فيه طعم العدس والبصل ولونو رمادى زى الجاهز








[/size][/size][size=16][size=25]خدى بقى النص التانى من الميه بتاعت العدس وحطيها فحله كبيره وزوديلها ميه تانى عاديه لو كميتها قليله وحطيلها معلقه زيت من الى قلينا بيه البصل ومعلقه ملح وسبيها تغلى وحطى فيها كيس مكرونه صغيره ونص كيس اسبكتى مكسره واسلقيها كويس بس اوعى تهريها طبعا هتطلع برضو لونها شبه الجاهز وفيها طعم البصل والعدس صفيها كويس بعد السلق[/size][/size]
[size=16]

[size=21]

[/size][/size][size=16][size=25]يجى لتسبيكه الطماطم ودى اهم حاجه نحط فحله زيت من بتاع قلي البصل ونبشر بصلايه ونشوحها فيه لحد متبقى دهبي نضيفلها خليط التوم الى عملناه فلاول خالص فاكرينو ونقلب كويس ونضيف الطماطم الى ضربناها فالخلاط نسيبهم ياخدو غلوه واحده بس وهنا السر ضيفى نص كميه الميه اغامقه الى كنا سالقين فيها العدس وغطى عليها وسبيها تتسبك على نار هاديه لحد متقل ميتها وتبقى كثيفه ودوقيها لو حبيتى ضيفى شويه ملح وفلفل اسود متنسيش ان احنا حطينا قبل كده فالتوم وكده بقى عندك الصلصه فيها طعم البصل والتوم والعدس والبهارات عشان كده بتبقى مختلفه عن العاديه الى بتعمليها فالبيت


[/size][/size][size=16][size=25][size=16][size=25]الى يحب بقى الشطه بتاعت محلات الكشري يجى هنا فحله صغننه خدى مغرفه من الصلصه الى انتى مسبكاها ضيفلها معلقه كبيره شطه بودر ونص كبايه زيت وسبيهم يغلو غلوه واطفى وسبيها تبرد وهيا دى شطه الكشري الى بتبقى نار[/size][/size][/size][/size]
[size=16][size=25][size=16]كده نكون خلصنا اغرفى بقى الرز وفوقو المكرونه وفوقو العدس وبعدين حطى تسبيكه الصلصه مغرفتين كده بس على الوش ورشي البصل المحمر وزوقيها بالحمص المسلوق انا بحط الحمص جوا الصلصه
واغرفى الصلصه فطبق عشان الى يحب يزود[/size][/size][/size]






ودى الشطه الناار

[size=16][size=25][size=16][size=25][size=16]اوعو تكونو تهتو منى جربيها اول مره بعد كده هتلاقى انك اتعودتى عليها وانك بتعمليها بسهوله وطبعا الطعم زى احلى محل كشري
بس نصيحه اعملى الكميه ليومين عشان تانى يوم بيبقى الذ من اول يوم وعشان بعد التعب ده تستريحى شويه هههه
[/size][/size][/size][/size][/size][size=16][size=25][size=16][size=25][size=21]وادعولى بقى وبالهنا والشفا[/size][/size][/size][/size][/size]
منقول لي الافادة