تعالوا اعرفة هنعمل اية بكرة في يوم عرفة

الســـــــــلام عليكم ورحمة الله وبركاته

كل سنة وانتو طيبين وكل المسلمين

بكرة ان شاء الله يوم عرفة

والحمد لله نعمة بجد من ربنا اليوم ده

وطبعا كتير مننا عارف فضله

وطبعا يوم عرفة اجازة والبيت مترتب قبلها واياكى تنشغلى بحاجات مالهاش معنى اليوم ده.

بصو ان شاء الله ننوى نعمل كده

اهم حاجة انهاردة بليل قبل النوم

**************************

نروح نتوضى
ونصلى ركعتين توبة
وندعى بعدها ان ربنا يعينا ويوفقنا لحسن طاعته ولذكره ويرزقنا بركه وخير اليوم ده ويتقبله منه يارب

بكرة بقى نعمل اييييييييييييييه

*************************

1- الصيام ولو فيه بنوتة مش تنفع تصوم تنام انهاردة بليل بنية انها كانت حتصوم عشان تاخد ثواب الصيام بنيتها
"انما الاعمال بالنيات فلكل امرىء ما نوى"

2- كللللللل الصلوات فى ميعادها والالتزام بالسنن اكتر (ضحى والسنن القبلية والبعدية).

3- التكبير والتهليل والتحميد طول الوقت.

4- نقرى قران بعد كل صلاة ولو صفحتين.

5- شوية اذكار بالعدد الى تقدرو عليه ** لو اعدنا فى مكان لوحدنا مش حتاخد نص ساعة
وعلى فكرة الاذكار دى قولوها بنية ربنا يحقق امانيكو
* الصلاه على سيدنا محمد ( حاولو 100 مرة )

* حسبى الله ونعم الوكيل

* لا حول ولا قوة الا بالله العلى العظيم

* لا اله الا الله

5-اما بقى قبل المغرب بنص ساعة كده
روحى اتوضى ومش حينفع نصلى ركعتين سنة وضوء طبعا عشان ده وقت كراهة
ونلبس الاسدال
ونقعد ندعى كتييييييييير لينا ولكل قرايبنا وحبايينا

بنااااااااااات
بكرة يوم مهم اوووووووى
وبجد لما نقضيه كله فى الذكر والطاعة حنحس بطعم العيد وبفرحته
وقلبنا حينشرح وفوق كل ده ربنا بيستجيب الدعاء

شدو همتكو وتوكلو على الله واخلصو النية