فراخ كنتاكي بالصوررررررررر

من طرف **بنتوتة مصرية** الأحد يونيو 19, 2011 6:54 pm

بصراحة يابنات دية منقول بس لاني بحب كتير الفراخ كنتاتي وقلت انقلها ليكم لان اكيد انتوا بتحبواهاصر

ودل اليكم الوصفة بالصور

اولا : دجاج كنتاكى

المكونات:

فرخة كاملة (2كيلو جرام) مقطعة اللى ثمانى قطع .
1/2 كيلو فيلية صدور فراخ.
عبوة لبن رايب (1/4 لتر) انا اخترت المراعى .
دقيق ابيض فاخر.
ملح.
فلفل اسمر حب.
قرنفل مسمار مش مطحون.
شطة.
بابريكا.
حقنة.
مياة مثلجة.
بصل بودر.
ثوم بودر.
جنزبيل بودر.
اعشاب (مردقوش - زعتر - روزمارى - طرخون - ورق لورا - جنزبيل طازج).
سكر.
ملعقة صغيرة خل ابيض.
مقلاة او كما تدعى FRYER .

اليكم الطريقة فتوكاتى;

جهزى الفرخة والحقنة ومعجون الشطة معجون الشطة دة هتعملية ازاى اقولك تجيبى معلقة كبيرة شطة بودر حارة مع نص معلقة بابريكا وتحليها بشوية ماية .

بعد كدة هتقطعى الفرخة 8 قطع وتشيلى الهيكل والكبد والقوانص للسلق علشان الرز يا حلوين

[/size]

بعد ما قطعنا نحقن قطع الفراخ بالشطة تجيبى الحقنة وتشيلى الابرة ترميها وتحقنى بين العظم واللحم ازاى هتجيبى اى طرف مدبب معلقة او سكينة وتعملى فتحة غويطة بين العظم واللحم وتدخلى الحقنة وتحقنىيها شطة اوك زى اللى ف الصورة دى بصى كدة.
فراخ كنتاكي بالصوررررررررر 1286994016

وميمنعش تحقنى تحت الجلد بس شوية صغيرين ومش تنسى تحقنى الجناح كمان حلو اوى بصى اى مفصل يقابلك احقنية .

بعد ما حقنا نعمل اية هه يالا نشوف .
هنقطع فيلية صدور بالطول ونحطهم مع قطع الفراخ اللى احنا حقناها شطة علشان هنعمل منها فيلية كرسبى للرز وندخل شوية برضة جوة الرز هنبقى نشوف موضوع الرز دة.

بس قطع الفيلية دى مش تحقنيها حاجة سبيها زى ما هي اوك . فراخ كنتاكي بالصوررررررررر 1286994333

هنحط اللبن الرايب .
تيجى نشوف هنعمل اية بعد كدة يالا بينا.
فراخ كنتاكي بالصوررررررررر 1286994538

اهم خطوة حبايبى هنغلفها ونحطها فى الثلاجة لمدة لا تقل عن اربع ساعات اوك.
والخطوة اللى بعدها هى الاهم بصوا كدة.

هنطلعها من اللبن الرايب ونصفيها اوك ونشوف اية هو الاهم.
فراخ كنتاكي بالصوررررررررر 1286995596

هنحضر التوابل دى يا حلوين

2 ملعقة كبيرة ملح.
1 ملعقة صغيرة سكر.
1 ملعقة صغيرة خل ابيض.
2 ملعقة ثوم بودر.
1 ملعقة بصل بودر .
1 قطعة جنزبيل فريش مقشر.
1 ملعقة فلفل اسمر حب.
4 حبات قرنفل مسمار.
4 ورقات لورا وعود روز مارى .

بعد كدة هنعمل اية بصوا معايا ;

هنحط دة كلة فى الماية المتلجة وعلى التلاجة عدل لمدة اربع ساعات تانين مش تزهقوا المهم انكم تستمتعوا.
بعد كدة اية اللى هيحصل

هنطلع الفرخة من ماية التوابل ونصفيها بعد ما الفراخ اتشبعت بالتوابل اوك حلو كدة نيجى بقى على القرمشة واليكم السر الذى لم يعد سرا بعد الان اتفرجوا كدة.
فراخ كنتاكي بالصوررررررررر 1286997250

هنجيب الحاجات دى اللى هى اية بقى ;

م/ص شطة حارة .
م/ص بابريكا.
م/ص ثوم بودر .
م/ص جنزبيل بودر.
م/ص فلفل اسمر مطحون.
م/ص ملح.
م/ص مشكلة من زعتر بودر على طرخون بودر على مردقوش بودر.

ونحطهم على3 كوب كبير دقيق ابيض.
وهنعمل خلطة اسمها تمبورة اكيد عارفينها بس هنا هتتعمل ازاى ماية متلجة اوى يستحسن يكون فيها تلج مع2 كوب دقيق ابيض.
الطبق الاخير دة فية اية فية القرمشة اللى هتخلى الفراخ كنتاكى كنتاكى اوك ودى هنعملها ازاى اقول ولا لا خلاص هقول مش تزعلو
هنجيب طبق فية دقيق ونشقشقة بشوية ماية متلجة وبعد كدة نفركة براحة بصوابعنا هتحسى انو قطع رقيقة كدة جوة الدقيق هتاخدى منة شوية وتحطيهم فى مصفاة وترجيها علشان تتخلصى من الدقيق الزيادة وترصيهم على ورقة والعملية دى بتتكرر كل شوية لانك بتحطى نقط ماية على دقيق كتير وتحطيهم فى المصفاة وهكذا بس معلومة مش تعملى كمية كبيرة من القرمشة وتسبيها ل على طول تحطى الفراخ فى الدقيق وبعد كدة سائل التمبور وبعدين القرمشةكلة ورا بعضة وبعدين فى الزيت مش تركنى حاجة والا كلة هيعجن
تعالى شوفى الصور دى كدة
فى الاول هوريكى القرمشة

نيجى للقلى

هنسخن الزيت على 160 درجة
فراخ كنتاكي بالصوررررررررر 1286998900

وهنقلى نص قلي

والسرهنا انك تحطى الغطا لانة لما بيتعرض للهوا بيتلون من برة بس مش بيستوى من جوة والغطا عندى بيسمح بخروج البخار لان برضة لو البخار اتكتم بيحرق الحاجة
بعد ما قلينا نص قلية اية اللى هيحصل
فراخ كنتاكي بالصوررررررررر 1286999450

هناخد الفراخ ونحطها فى التلاجة علشان ترتاح والمية اللى جوة اللحم تتوزع فى الانسجة تانى انا مش فاكرة ابنى قالى اية بالظبط بخصوص الحتة دى بس تتحط فى التلاجة مش اقل من ساعة او ممكن تسبيها فى التلاجة ووقت ما تحبى تقلى منها خدى منها واقلى

بعد ما قعدت الوقت الكافى فى التلاجة نطلعها بقى علشان نقليها تانى علشان انا جعت يالا بينا

ودى اول قطعة يام يام
فراخ كنتاكي بالصوررررررررر 1287000176

ودى بقى قطع الفيلية المقرمشة الحارة اللى هتتحط على الرز
فراخ كنتاكي بالصوررررررررر 1287000294

نيجى بقى حبايبى للرز

اولا الشوربة : 2 معلقة ملح - معلقة فلفل اسمر حب - 3 بصلات مدبس فيهم قرنفل وورق لورا - معلقة حبهان
فاكرين طبعا الجزء اللى هنعمل منة الشوربة اللى هو الرقبة والهيكل والكبد والقوانص اوك
فراخ كنتاكي بالصوررررررررر 1287001107

عملنا الشوربة تعالو على الرز ومكوناتة
فراخ كنتاكي بالصوررررررررر 1287001298

1/4 فيلية من اللى كان منقوع فى اللبن الرايب.
معلقة شطة حارة .
معلقة بابريكا.
3 بصلات متوسطين الحجم مقطعين قطع صغيرة .
2 فص ثوم متوسط مقطع قطع صغيرة .
ملعقة صغيرة ملح.
1/2 كيلو رز.
2 ملعقة زبدة.
2 ملعقة صلصة حمراء مدوبين فى شوية ماية.

اليكم الطريقة
نحمر قطع اللحم فى الزبدة
فراخ كنتاكي بالصوررررررررر 1287001683

ننشل قطع اللحم ونضع البصل لحد ما يدبل ونحط التوم

اول ما ريحة التوم تظهر حطى قطع الفراخ تانى وقلبى

وبعدين نحط الرز والتوابل ونقلب
فراخ كنتاكي بالصوررررررررر 1287002059

وبعدين نحط الصلصة

وبعدين نحط الشوربة ونغطى ونسيبها على نار عالية لمدة دقيقتين ونهدى النار خالص لمدة 12 دقيقة

يالا ناكل ريزو مع صوص باربكيو
فراخ كنتاكي بالصوررررررررر 1287002551

نقول البطاطس شوفى يا فتوكتى هتروحى للست بتاعت الخضار وتقوليلها عايزة كيلو بطاطس بتاع القلى اوك تاخدى البطاطس تروحى على طول تقشريها وتغسليها وتنقعيها فى ماية ساقعة ومعلقة خل لمدة ساعة تصفى البطاطس وتنشفيها وتاخديها نص قلية وبعدين تفرزيها وتبقى تقلي منها وقت ما تحبى.
نيجى لطريقة سلطة كول سلو
فراخ كنتاكي بالصوررررررررر 1287003129

ربع كرنباية +2 جزر+2 ملعقة سكر+بولا ماية ساقعة+2 ملعقة مايونيز+رشة ملح+رشة فلفل اسود+ملعقة خل ابيض
الطريقة
ننقع الكرنب والجزر فى الماية والسكر لمدة لا تقل عن ساعة فى التلاجة

نقطعهم قطع صغيرة ....ثم

نخلط المايونيز والخل والملح والفلفل ويفضل ان تبقى الكول سلو فى الثلاجة حتى يتركز الطعم اكثر واكثر وبالهنا والشفا
تعالو بقى نشوف بعض الصور الاكلة

اية رايكم كنتاكى كنتاكى شوفوا كمان
فراخ كنتاكي بالصوررررررررر 1287003997

على فكرة الفراخ حلوة اوى ومستوية 100/100 ولما اكلنا انتو لما بتاكلو فى كنتاكى بتلاقو اللحمة مستوية لحد العظم حتى تلاقو العظم مايل للون البنى شوية ودة اللى حصل معانا بجد انا مش مصدقة ابنى هو اللى فكر فى الموضوع وعلمهولى وانا من ساعتها مش حافظة غير الوصفة دى وانا وسط زمايلى واحكيلهم عن الوصفة بنسبها ليا الله حقى هههههههههههههه محدش يفتن واخيرا