بالصور الحمام المغربي اعملية وانتي في بيتك

من طرف **بنتوتة مصرية** الأحد أبريل 21, 2013 7:24 pm

اولا احب اقول ان الموضوع ده من مجهودي الشخصي وليس نقلا عن اي احد ولا اي منتدي ولا اسمح بالنقل لاني فعلا تعبت جدا سواء من الكتابة او من الصور

في الموضوع ده هقلوكو ازاي تعملو الحمام المغربي فاليت بكل الخطوات والنصائح ولو اتبعتب كل الكلام اللي انا بقولوا هتعملي الحمام المغربي في بيتك و تشيلي هم انك تروحي لصالون او بيوتي سنتر وتتعبي نفسك وتدفعي قد كده على مرة واحده

وطبعا الحمام المغربي ده لازم يتعمل مرة كل اسبوع سواء بنت او متزوجه لان دي نظافة شخصية ليكي انتي بس في مصر المفهمو عن الحمام المغربي ده ان لازم العروسة هي اللي تعملة بس وانه ميتعملش غير قبل الفرح بكام يوم والكلام الفاضي ده

لكن لا ده بيتعمل كل اسبوع ولو فيه تعب عليكي يبقى كل اسبوعين علشان يبقى جسمك نظيف اول باول ومتتراكمش الاوساخ والزيوت على جسمك هتقوليلي ما بستحمة على طول فمفيش اوساخ ولا اتربة ولا زيوت

هقولك الحمام العادي اللي هو الدوش ده حاجه و الحمام المغربي ده حاجه تانية خاااالص

الحمام المغربي بينظف تنظيف عمييق و بيشيل كل حاجه من جوا المسام و بيزيل الجلد الميت تماما من البشرة وطبعا بيدي بياض للبشرة مش معقول ولما تعملي الحمام المغربي هتشوفي الفرق وغير كده كمان بيخلي الجسم ريحتة عطرة جدا وحلوة اوي وبيرطب البشرة وبينعمها اوي وبيبقى حل للشعر اللي تحت الجلد و الحبوب اللي بتتلع فالجسم و خاصة الظهر وبيوحد لون البشرة ده غير ارتخاء العضلات والاحساس بالراحه والنعومة

اما الحمام العادي ده نظافة خارجية ولو بتستخدمو ملح الحليب يوكو زي ما انا بستخدمة ده مجرد اسكراب او مقشر خفيف للبشرة يعني عالسريع كده من برا بس

وعمتا الحمام المغربي ده ليه خطوات اساسية ومنتجات معية لازم تكون موجوده ومينفعش نبدلها بحااجات تانية وفيه حاجات ممكن تتغير او يكون ليها بديل يعني كل بنت واللي يناسب بشرتها او اللي هي تكون متعوده علية

كفاية كلام بقى كده ونبتدي بقى بسم الله

اول حاجه نكتب الحاجات اللي محتاجينها للحمام المغربي :

1 ) اول حاجه طبعا محتاجين الصابون المغربي الاسود اللي بيكون قوامة لزج كده لا هو سائل ولا مجمد زي الصابون العادي لان كل ده مش اصلي ودي صورتة

بالصور الحمام المغربي اعملية وانتي في بيتك Amiratfes_181a1755217776af6a1d1f42f6883a-1

بالصور الحمام المغربي اعملية وانتي في بيتك Amiratfes_181a1755217776af6a1d1f42f6883a-1

وانواعه الكويسة والمتوافرة فالسوق

انا قلت الكويسة فيه انواع كتير جدا بس اللي انا مجرباهم هما دول

بالصور الحمام المغربي اعملية وانتي في بيتك F1_online

بالصور الحمام المغربي اعملية وانتي في بيتك F1_online

وده كمان

بالصور الحمام المغربي اعملية وانتي في بيتك DSC02785.JPG_s

فيه ناس بتستخدم الصابون ده لوحده وفيه ناس بتخلط معاه حنة و عصير ليمون بس علشان احنا مبتدئين خلينا فالصابون ده لوحده

2 ) الليفة المغربية ولازم تكون الليفة المغربيه السودا اي حاجه تانية لا ملهاش اي لازمة وهتبقي ضيعتي كل اللي انتي هتعمليه عالفاضي
ودي شكلها

بالصور الحمام المغربي اعملية وانتي في بيتك Scriptrecupimage2idproduit

بالصور الحمام المغربي اعملية وانتي في بيتك Scriptrecupimage2idproduit

وديه للظهر علشان طبعا لو احنا اللي بنعمل لنفسنا مش هنعرف نعمل بالليفة العادية اللي بتدخل فالكف

بالصور الحمام المغربي اعملية وانتي في بيتك 11234816809

بالصور الحمام المغربي اعملية وانتي في بيتك 11234816809

3 ) صابون والافضل انو يكون طبيعي يعني كامى ولوكس والماركات دي متنفعش لازم صابون طبيعي مفيهوش مواد كيميائية ولا عطور
ودي صور للصابون الطبيعي علشان اللي مش عارفة بيبقى مالوش شكل كده وبيبقى الوان حسب المواد الطبيعية اللي فيه يعني مثلا الاصفر بيبقى فيه ليمون و الاخضر بيبقى فيه بقدونس او خروع والبينك بيبقى فيه ورد كده يعني

بالصور الحمام المغربي اعملية وانتي في بيتك African_Bliss_100_Natural_Soap

بالصور الحمام المغربي اعملية وانتي في بيتك African_Bliss_100_Natural_Soap

4 ) الغسول المغربي او الطمي المغربي زي ما هو معروف وموجود عند العطار و بيتباع بالكيلو بس لازم تجيبيه من عطار مضمون علشان يبقى حلو وفيه نوع بيتباع متغلف وده جامد جدا ونظيف اوي اوي احسن نوع فعلا اسمة الشرفاء بيبقى متعبي في اكياس خضرا هحطلكو صورتو

ده الطمي و ممكن يكون شكلين بودرة او قطع ضعيرة

بالصور الحمام المغربي اعملية وانتي في بيتك Hh7net_13050101165-1

بالصور الحمام المغربي اعملية وانتي في بيتك Hh7net_13050101165-1

والكيس الاخضر ده طمي الشرفاء اللي قلت عليه

بالصور الحمام المغربي اعملية وانتي في بيتك Image_1341409448

5 ) ماء ورد طبعا معروفة مفيش حد ميعرفش مية الورد

بالصور الحمام المغربي اعملية وانتي في بيتك 21_1_43

وانا افضل ماء الورد دي اللي فالصورة اللي السائل بتاعها شفاف مالوش لون مش ماء الورد اللي لونها بينك دي مش كويسة وكلها كيماويات على فكرة ماء الورد الطبيعي اللي مالوش لون ودي ممكن تلاقوها في السوبر ماركتس الكبيره او كارفور او سبينس في قسم الاكل لانها هي الكويسة

6 ) زيت مرطب انا افضل بيبي اويل واختاري اللي يناسبك ولو مش بتحبي البيبي اويل ممكن تحطي زيت لوز حلو واحد منهم ولو بشرتك مش بتتقبل زيت اللوز ممكن زيت زيتون وبردو بتاع الاكل لانو بيكون طبيعي ومفيهوش مواد حافظة يعني زيوت الاكل هي اللي بتستخدم للجسم و البشرة والشعر اما الزيت اللي بيبقة مخصص للشعر او للجسم بس ده مش كويس بيبقى مليان مواد حافظة

بالصور الحمام المغربي اعملية وانتي في بيتك 4801010504306_9556006060643_4801010503323_4801010501312-500x500

بالصور الحمام المغربي اعملية وانتي في بيتك 4801010504306_9556006060643_4801010503323_4801010501312-500x500

بالصور الحمام المغربي اعملية وانتي في بيتك AlmondOil

وكده خلاص ندخل بقى على التجهيييز والخطوات

1 ) اول حاجه ادخلي الحمام وقفلي الباب و الشباك واي منفذ للهواء واملي البانيو مية سخنة مش تبقى مولعه يعني شوفي درجة تحمل جسمك وخلي الحمام يتملي بخار كتيييييييييييييييييييييييييييير وعقبال ما الحمام يبقى سخن اوي ومليان بخار اعملي الخطوة التانية

2 ) تحضير الغسول او الطمي المغربي
خدي كمية مناسبة تكفي جسمك كلو وحطي عليها كمية مية دافية مش سخنة اوي يعني دافية مناسبة بردو بحيث يكون الغسول بالشكل ده وقوامة زي الصورة وميبقاش سائل اوي

بالصور الحمام المغربي اعملية وانتي في بيتك Dsc00121z

بالصور الحمام المغربي اعملية وانتي في بيتك Dsc00121z

وممكن تضيفي عليه شوية ماء ورد و لو بشرتك جافة حطي بدل ماء الورد زيت لوز قطرات مش كتير يعني

وحطي الليفة المغربية السودا في مية سخنة في طبق يعني فيه مية سخنة و سيبيها فيه

3 ) بعد ما تخلصي عمل الغسول ادخلي اعدي فالبانيو اللي فيه مية سخنة مناسبة لدرجة جسمك و جسمك يقدر يتحملها زي ما قلت اعدي فيها 10 دقايق مش اقل من كده يعني من 10 الى 15 دقيقة ولو معندكيش بانيو وعندك بانيو قدم يبقى اقفي تحت المية السخنة يردو ربع ساعه

4 ) بعد المية السخنة والبخار ده كلو حطي الصابون المغربي الاسود على كل جسمك مده 7 الى 10 دقايق ولو تقدري تستحملي اكتر من كده وكنتي فاضيه يعني ماشي مفيش مشكلة بس مش اكتر يعني من تلت ساعه

في الوقت ده ممكن تدعكي رجلك وكعوب رجلك بي حجر الرجل لانو فرصة الجلد بيبقى طري وسهل ان الجلد الميت يتشال

وده حجر الرجل اللي اصدي عليه

بالصور الحمام المغربي اعملية وانتي في بيتك 1277829202914_hz-myalibaba-web4_213

بالصور الحمام المغربي اعملية وانتي في بيتك 1277829202914_hz-myalibaba-web4_213

وتعملي حمام زيت لشعرك بعد طبعا ما تكزني غسلتيه بالشامبو واهي فرصة الحمام سخن ومفعول حمام الزيت هيبقى افضل فالسخونة
ومتنسيش طبعا تخطي شعرك بالبونيه علشان يسخن اكتر

بالصور الحمام المغربي اعملية وانتي في بيتك Kamar09tw6

بالصور الحمام المغربي اعملية وانتي في بيتك Kamar09tw6

5 ) بعد ما يفوت 10 دقايق او المده اللي اختارتيها اغسلي جسمك بالمية الدافية وشيلي الصابون اللي على جسمك بايدك مش بالليفة و لا بي اي حاجه بايدك بس
وتاكدي ان كل جسمك خالي من اي نفطة صابون ونضفيه كويس

6 ) وبعدين خدي الليفة المغربيه من الطبق اللي فيه المية السخنة و اعصريها كويس جدا جدا
وابدئي ادعكي جسمك من فوق لتحت ادعكي بزمة وشوفي اللي هيطلع معاكي هتتصدمي

بالنسبة للدعك منطقة الصدر والمناطق الحساسة و الرقبة كل دول بحركات دائرية انا الايدين والرجلين بالطول طالع نازل يعني

واني بتدلكي هتلاقي الجلد الميت بيطلع على شكل فرولة كده او حاجات كده طويلة شوية لونها رمادي زي دي كده اللي بيطلع من الاستيكة لما بنمسح حاجه

بالصور الحمام المغربي اعملية وانتي في بيتك Eraser1

بالصور الحمام المغربي اعملية وانتي في بيتك Eraser1

وركزي عالاماكن الخشنة او المسمرة زي الركب الاكواع بين الفخدين او تحت الابط يعني اي مكان مسمر او خشن يعني زودي الدعك فيها شوية

7 ) بعد ما تخلصي دعك اشطفي جسمك بمية دافية كويس اوي علشان تنزلي كل الجلد الميت اللي طلعت من الدعك ده ينزل

8 ) خدي الصابون الطبيعي واغسلي بيه جسمك كويس اوي اوي بالليفه العادية كانك خلاص بتستحمي عادي وديه الليفة اللي اقصدها

بالصور الحمام المغربي اعملية وانتي في بيتك 010wkhtm21

بالصور الحمام المغربي اعملية وانتي في بيتك 010wkhtm21

الليفة العادية خالص المصرية البلدي

9 ) و بعدين هاتي الغسول او الطمي المغربي اللي حضرتيه و افرديه على جسمك كلوو سيبيه لمده 15 الى 20 دقيقة

وبعد ما الوقت ده يعدي اغسلي جسمك كويس اوي منو بالمية الدافية

10 ) وبعد كده اخرجي بقى من البانيو ورشي على جسمك شويت ماء ورد مسحة بسيطة يعني

11 ) واخر حاجه حطي من الزيت المرطب اللي انتي اخترتيه سواء البيبي اويل او زيت اللوز الحلو وانا افضل البيبي اويل

وبس كده والسي بقى وادعيلي دعوة حلوة كده على فكرة الحمام ده مش متعب خالص لانو تلت ارباع الوقت انتي بتحطي حاجات على جسمك وتستني فمفيهوش اي تعب ممكن فالوقت ده تاخدي معاك الايباد و تعدي تلعبي او اي مجلة وتقري فيها شوية والوقت هيعدي بسرعه