احلي تورتة شكل الوردة بس حكاية لعشاق الابتكار والتجديد

من طرف بارو الأحد مارس 09, 2014 1:25 am

[size=32][/size][size=32]
نبدا بالصلاة على النبى
اللهم صل على محمد كلما ذاكرك الذاكرون وغفل عن ذكرك الغافلون
اللهم صل على محمد عدد ما خلقت وعدد ما رزقت وعدد ما احييت وعدد ما امت

نبدا بطريقة الكيكة الاول
الكيكة الاسفنجيه

المقادير والطريقة
اقسمها على مرحلتين بس

المرحلة الاولى
6 بيضات
فانيليا
كوب سكر
كوب ماء دافئ
م ك محسن كيك
اضيف كل مقادير المرحلة الاولى وهاتيك ياضرب لغايه ما تشدى فى شعرك بجد اصل بيقعد كتييييييييييييييييييييير اووووووووووووووووى وما تزهقوش وحاولى بقى تنامى جنبه لغاية ما يرتفع ولونه يفتح وفجاة تلاقى ملئ الطبق كلوا ماشاء الله بجد
فى الوقت ده هتولع الفرن عشان يلحق يسخن شوية
اهو ضيفت كل المقادير المرحلة الاولى

لغاية ما بقى كده

شايفين نازل شريط كريمى ازاى لازم اوصل للمرحلة دى قبل ما ادخل فى المرحلة التانية

المرحلة التانية
2 كوب دقيق
م ص بيكنج بودر
تضيفى مقادير المرحلة التانيه بالتدريج مع استمرار الخفق على مزيج البيض بتاع المرحلة الاولى واخفقى لغايه ما تتجانس الدقيق مع الخليط

لغاية ما يبقى متجانس كده

وتقومى صبها فى صينية مدهونة سمن ومرشوشة دقيق

وادخلها الفرن ولا نفتح عليها اول تلت ساعة او لا تفتحى عليها خالص غير لما تشمى ريحتها وتفتح شواية عليها شوية تحمر من فوق

تابعونى يا حبيباتى[/size]

من طرف بارو الأحد مارس 09, 2014 1:25 am

[size=32]وبعدين اقلبها على شبك حتى تبرد او اقلب صينية الكيك نفسها واحط الكيك فوق قعرها

دى تجهيزات التزيين
ده الكريم شانتيه سايب حطيت معاها لبن وقشطة وسكر بودرة بس كنت مكسلة اطحن سكر بودرة حطيت بدلها شربات وطلع طعموا تحفة

وهنا صوص فراولة بقطع فراولة بحط على النار فراولة ومعاها حبة سكر بالبركة كده واسيبها لغاية ما تغلى وتتطرى الفراولة وتنزل مايتها وبس وبعدين اسيبها تبرد شوية

وهنا عملت كريم شانتيه تقيل يعنى حطيت بودر كريم شانتيه زيادة شوية وحطيت لبن بودرة عشان يتقل الكريم شانتيه وده هيكون للتزيين

هنا بشرت شيكولاتة بيضا بس نصيحة منى عشان انا اخطات فيها انك حطى الشيكولاتة قبل ما تبشريها فى الفريزر عشان اتفتفتت منى لما جيت احطها على التورتة

ودى فتحة المبشرة اللى عملت منها

نبدا التزيين بقى
ااقلب الصينية اللى عملت فيها واقسم الكيكة تلات طبقات وبعدين احط اول طبقة على ظهر الصينية واحط صوص الفراولة مع شوية قطع فراولة وشرايح موز وبعدين افرد كمية من الكريم شانتيه وهكذا مع باقى الطبقات

وبعدين اغلف الكيكة كلها كريم شانتيه

هنبدا نغلف الجوانب بالشيكولاتة البيضا المبشورة زى كده

وهنا استخدم القمع ده لعمل ورقة الشجر الخضرا وقسمت الكريم شانتيه بتاع التزيين على تلات اقسام اخضر لورق الشجر وبنفسجى للوردة واصفر للنقط

بصوا تقيل ازاى عشان يمسك فى التزيين

ومعذرة انا مش عارفة اصور وانا بعمل التزيين لان لازم استخدم ايديا الاتنين ومش معايا حد يصورلى بس ده فيديو هيوضح احسن

وهنا عملت الوردة وعملت نقط فى نص الوردة وعملت نقط باللون الاصفر على الجوانب فوق الشيكولاتة البيضا المبشورة وكتبت حرفين شايفين فى الصورو دى السكينة او الاسباتولا اللى بغطى بيها الكيكة وده شكل علبة اللون

فاضل ورق الشجر عملتوه بالقمع اللى ورتهلكم فوق
وعملت بنفس قمع ورق الشجر خط كده داير ما يدور حتى الصورة مش واضح اوووووووووى عشان مش عارفة اعمل بايد واحدة واصور بايد
[/size]