عمل البسكويت من المطبخ

من طرف بشاير النور الإثنين أكتوبر 10, 2011 11:09 pm

[size=21]النهادرة يا فتوكات عملالكم ملف عن البسكويت الرائع بطريقتي . حتلاقو الطريقة وكم فكرة كده للتزين . مش حرغي كتير علشان الموضوع طول

البسكويت البسيطة بطريقة شيف دلوعة

(مقدار واحد حوالي 20 قطعة بسكويت)
(استخدمي اي كوب او مجِ بشرط تستخدميه في قياس كل المقادير)

المقادير
1 كوب زبدة طريقة
1/2 1 كوب سكر بودرة
1 كوب نشا
2 كوب دقيق فاخر منخول
1 ملعقة كبيرة فانيليا (القرفة لو تحبي)
2 بيض
1 ملعقة كبيرة باكنج باوجر
رشة ملح

ولو عيزاها بالشوكولات (نقصي 3 معالق دقيق وضيفي 3 معالق شوكلاتة بودرة )

الطريقة :

في الأول نخفق الزبدة الطريقة والسكر البودرة والنشا لحدة ما يبقو شبه الكريما . نضيف البكنج باودر والفانيليا والملح والبيض ونخفق تاني وبعد كده نبدأ نضيف الدقيق على دفعات ونعجن لحد ما عجينة البسكويت تلم مع بعض وتبقى حلو. وده شكلها (معلش الطريقة عندي لكن بصور كتيرة ومحتاجة تحميل وتظبط كتير)(كفاية اني اخذ4 ردود بس لموضوع واحد^_^ ولو استخدمت الصور كلها كان ممكن أوصل ل10 ردود)

نفرد عجينة البسكويت بسمك متوسط على ورق زبدة أو ورق سولفان علشان نعرف نشيل قطع البسكويت بسهولة بعد كده . ونقطع بالقطاعة الي تعجبنا . ودي العجينة البيضاء

ودي العجينة الي بالشوكلاتة . عيزاكم تلاحظوا قوام العجينة الصحيح وسمك الفرد.

وأختكم في الله (Graphics Desingher) لازم بقى الحركات والتكات الغريبة دي . ممكن تفردي كذا مستطيل من العجينة كنب بعض بالطريقة دي . أو ممكن بطريقة عشوائية .

ولما تقطعيها حتديكي بسكويت محترف وشكله جميل (بموت في حاجة اسمها قلب) قطعتو بقطاعة القلب وهنا لما رصيتو في الصواني

وده شكل تاني

وممكن نفرد حتت مختفة من العجينة البيضاء والبني بشكل عشواء ونفردهم ونقطعهم . وحتدينا شكل جميل بصو ورق الشجر الي هنا .

وبنفس الفكرة ممكن نلون العجينة وندع زي ما احنا عايزين .

وهنا مديل النجمة برضو مبتكر وجميل

وهنا الشكل العشوائي بس بالثلاث ألون

دخلت مزاجي أوي يا جماعة البسكويته دي

وبعشق الموديل المشرشر للدوائر . وده البسكويت بعد ما رصيتو في صواني وخبزتو على حرارة متوسطة لحد ما تحمر من فوق ومن تحت .

وهنا شكل البسكويت بعد ما خرج من الفرن أيه رأيكون

وصلنا لطريقة تزين البسكويت

الطريقة نمرة واحد (جناش الشوكولاتة البني والأبيض)
محتاجين لكوب واحد من الشوكلاتة البني والأبيض وتكون متقطعة حتت صغيرة .

وحنحتاج لنص كوب من كريمة الخفق او الكريما اللباني لكل نوع شوكلاتة .

طريقة عمل الجناش : نحط كوب الشوكلاتة البني في وعاء وبعد كده نسخن نص كوب كريما لحد قبل ما يفور نطفي عليه ونحطو على الشوكولاتة ونقلب لحد ما تذوب . ونعمل نفس الطريقة للشوكولاتة البيضاء وندخلهم الثلاجة وده حيبقا شكلهم بعد ما بردو .

حنضرب كل لون بالخفاقة الكهربائية . بس بوصو هنا قوام الجناش الأبيض قبل نخفقو قوامو ثقيل وغليظ

هنا بعد ما خفقناهم . بوصو بقو عملين زي الكريما (بس هما شوكلاتة ^_^)

وحطيت كل نوع في كيس حلواني وثبت قمع التزين . وهنا كيس فيه شوكلاتة بني وكيس فيه جزئين شوكلاتة بيضاء جزء والجزء الثاني شوكولاتة بني

دلوقتي حنبدأ نزين ونجرنش جزء من البسكويت بالطريقة الي نحبها بإسم الله نبدأ

بطريقة بسيطة حنزل البسكويت والجناش مش حيغلبنا لانو عامل زي الكريما الخفيفة جدا جدا من تأثير الخفي أسيكم مع الصور

وبعد ما حطينا كريمة الشوكلاتة على البسكويت زيت شوية بالفارمسيل الملون

والفارمسيل الأبيض

لا بس الكريز عامل شغل جامد

فسدق مقطع

لوز بالكراميل كنت عملاه بس كان طعمو رائع

بوبونه شوكلاتة (لا بس منورة يا جماعة ولا ايه؟) هههههه بتبصي على ايه كفاية تريقة بقى على البنبونة ونكمل

وهنا طبق في كم واحدة شكلهم لذيذ . بصو يا فتوكات بسكويت الجناش ده لما تدخليه الثلاجة حيمسك وحيفضل محتفظ بشكله حتى
لو حتطيه على بعضو بس بيفضل طري لما تيجي تكليه

ملف(إبداع البسكويت من مطبخ الشيف)(طريقة البسكويت و4طرق جديدة للتزين)
http://forums.fatakat.com/thread2018962

التعديل الأخير تم بواسطة : شيف دلوعة بتاريخ من 2 أسابيع الساعة 07:43 م.
الطريقة نمرة اثنين البسكويت المغمس بالشوكلاتة

حنحتاج شوكلاتة بني ندوبها على حمام مائي وبروضو شوكلاتة بيضاء وممكن نلونها . (معلش ما حطتش صور طريقة تذويب الشوكلاتة لاني لاني بحب الرغي ومش حنخلص من كتر الصور والتعليقات)
نغمس نص البسكويته في الشوكولاتة السايحة سواء البنية أو البيضاء أو الملونة . وبعد كدة نحطها على ورق زبدة لحد ما تجمد

وهنا صور أقرب بعد ما غمست البسكويت في الشوكلاتة

وهنا شكلها يا فتوكات لما جمدة بصوو النجمة جميلة ازاي

وممكن نفتكس ونزوق زي ما احنا بنحب . هنا بسكويته متغرقة بالشوكلاتة البني وعليها خطوط بالشوكلاتة البيضاء بس جميلة

وهنا بعد ما انتهنا من التشكيل . يا فتوكات البسكوت ممتع جدا وفيه طرق كتير لتزين والتقديم. أخليكم مع الشكل النهائي للطبق.

ملف(إبداع البسكويت من مطبخ الشيف)(طريقة البسكويت و4طرق جديدة للتزين)
http://forums.fatakat.com/thread2018962

الطريقة نمرة ثلاثة

تزين البسكويت بالايسنج. هنا حديكم فكرة على السريع عنه علشان محتاج حلقة قصدي موضوع لوحدة علشان أشرح الطريقة الصحيحة في عمايلو . هو عبارة عن (سكر بودرة - وعسل الجلوكز او لايت كورن سيرب - وبودرة بياض البيض - فانيليا - وماء بنسة معينة) وهو سهل بس عايز طولة بال علشان نوصل للقوام الصحيح الي ممكن نتحكم ونرسم بيه على البسكويت . هنا كنت عملة الايسنج الملون بس نسيت أصور الأبيض

وهنا نماذج من شغلي بالأيسنج هنا كان لأطفال

وهنا كان لبنت صاحبتي ساره

وهنا كانت عاملة توزيعات لمرات أخوية لما ولدت وجابت ولد . بسكويت على شكل ببرونة ولعبة

هنا في الصنية قبل ما أظبط الدنيا

هنا بقى صاحبتي طلبت مني أعملها توزعات بسكويت قبل ما تولد وطبعاً عرفنا اني البيبي الي جاي Gairl وأختم في الله ما صدقت وطلعت كل إبداعاتها في الليلة دي ههههههه . بموت في حاجة اسمها بامبي وبنك ورز وكل مشتقاتهم . وده شكل المعمل قصدي الورشة ههههه.

بصو البسكوتين دول جمال ازاي

وهنا بعد ما الدزاين خلص .

بصو بسكويت السلوبتات البمبة والأبيض جميلة موت .

ودي صورة البسكويت يا فتوكات بنفس الطريقة الي عرضتها في الموضوع . كنت حطاها غلاف داخلي في مجلتي

[/size]