صدور فراخ محشية جبنة

من طرف goga miro الثلاثاء مارس 17, 2015 3:19 pm

[color:ef9c=#993300]المكونات

زيت
4 قطعة صدور فراخ مخلية وبدون جلد
125 جرام جبنة كريمة
125 جرام جبنة شيدر
نص كوب لبن
1 كوب عيش توست محمص مطحون
125 جرام جبنة بارميزان
2 فص ثوم مطحون
2 ملعقة كبيرة زبدة سايحة
1 ليمون معصورة
ربع ملعقة كبيرة ملح
ربع ملعقة كبيرة باربيكا
صدور فراخ محشية جبنة 2mqnnnp

طريقة عمل صدور فراخ محشية جبنة

اول خطوة انك تسخنى الفرن على درجة 175.
بعد كدة تجيبى صينية فرن، وتدهنيها بالزيت كويس، وتحفظيها.
تجيبى صدور الفراخ وتفتحيها من النص زى ما بتفتحى ساندوتشات كده.
بعد كده تحشى كل صدر بقطعة جبنة شيدر، ومعلقة جبنة كريمى، وتقفلى الصدر تانى كويس، وتحفظيهم.
بعد كده تفضى اللبن فى ابريق واسع او طبق غويط، وفى طبق تانى تخلطى الجبنة البارميزان مع العيش المحمص المطحون.
وتبتدى تاخدى صدور الفراخ وتغطسيها فى اللبن، وبعد كده تغطسيها من الجانبين فى خليط الجبنة والعيش المطحون، وترصيهم فى صينية الفرن المدهونة زيت.
بعد كده تجيبى الزبدة وتحطيها فى كاسارولة صغيرة على نار متوسطة،وتضيفى عليها عصير الليمون والثوم المفروم، وتقلبيهم، وترشيهم على الفراخ، وفى الاخر ترشى الملح والبابريكا.
فى الاخر تدخلى الصينية فى الفرن وتسبيها لمدة نص ساعة، لغاية ما الفراخ تستوى كويس.
وبالهنا والشفا...